Yohane 16:7 - Chipangano Chabwangu

⁷ Nachine nkomweba ati, kuli mwebo chiweme ukuti mfumepo mpano, pakuba nga nshifuminepo, Umwafwilishi tayise kuli mwebo. Nomba nga naya, nakumutuma kuli mwe.

Yohane 16:7 ပူးပေါင်းရင်းမြစ်များ

Luka 24:49

Nebo nakumutumina icho Bata bamulaya. Nomba mulingile ukulindilila mumusumba muno ukufikila ulo ifiso fyakwisa pali mwe ukufuma kumulu.”

Luka 4:25

Nebo nkoebesha nati, kwali ifyokolo ifinji mu Isilaeli munshiku shaku Eliya, ulo kwali ichilala ichikulu pamyaka itatu nemyeshi isanu naumo. Elo nensala iikulu yaliponene muchalo chonse.

Luka 9:27

Nachine nkomweba ati, epobali bambi abemakanine mpano abatakafwepo kuntu abakabale ukubona ubufumu bwaku Lesa.”

Yohane 14:26

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

Yohane 14:28

Mwalyumfwa ifyo nasosele kuli mwe ati, ‘Nkoya nebo, kuntu nakubwela kuli mwe.’ Kati mwalintemwa, kuti mwasekelela pantu nkoya kuli Bata. Pakuba Bata bakulu ukuchila nebo.

Yohane 14:3

Panuma yakumuwamishisha ififulo, nakubwela nakambi ukuti njise mutwale uko ndi ukwebati uko njikala namwe eko mukekale.

Yohane 15:26

“Kafwa akwisa, e Mupashi Wabuta, uwo nakutuma kuli mwe ukufuma kuli Bata. Ewakuba mwanamboni wanji.

Yohane 16:8

Ulo akwisa, akoyisa kushinina ichalo nabantu mukubifya kwabo, ubulungami namukupingula kwaku Lesa.

Yohane 7:39

Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Imilimo ya batumwa 10:34

Petulo atatikile ukusosa ati, “Nomba nashininkisha ukuti nachine Lesa takwatapo akapatulula.

Imilimo ya batumwa 2:33

Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.