Yohane 16:32 - Chipangano Chabwangu

³² Inshita ikoyisa, nanomba ilifikile kale, ulo mwakwisa kupalangana nokuya kumwenu-mwenu. Elo nakushala nenka. Nangu chakuba mfi, tanshakabepo nenka pakuti Bata bali nandibo.

Yohane 16:32 ပူးပေါင်းရင်းမြစ်များ

Mateyo 26:31

Yesu asosele kuli bo ati, “Mwe bonse mukombutuka bwenka mbuno bushiku. Pakuba chalilembwa mu Mashiwi aku Lesa ati, ‘Nakwipaya chembela nembelele shakupalangana.’

Mateyo 26:56

Chiweme pantu mfi fyonse fyachitika ukuti fibe ifyakwebesha ifyo abasoseshi balembele.” Elo abakusambila bonse bashile Yesu nokufulumuka ulubilo.

Maliko 14:27

Yesu asosele kuli bo ati, “Mwe bonse mukombutuka bwenka mbuno bushiku. Pakuba chalilembwa mu Mashiwi aku Lesa ati, ‘Nakwipaya chembela, nembelele shakupalangana.’

Maliko 14:50

Elo abakusambila bonse bashile Yesu, babutuka nolubilo.

Yohane 12:23

Naye Yesu alibasukile ati, “Inshita nomba yafika iyakuti Mwana wa Muntu apelwe ubuleme.

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.

Yohane 16:25

“Nomba nkososa namwebo mfi fintu mufyelusho, kuntu inshita ikoyisa iyo tanshayise kusosapo nakambi munshila nji. Nakwisa kumulondolwela ifyaku Bata pamenso-kutuba.

Yohane 16:31

Yesu alibasukile ati, “Kanshi nomba mukochetekela?

Yohane 19:27

Elo asosele kuwakusambila ati, “Bona banoko mba!” Ukufuma njilya nshita uwakusambila ngu atwite banyina Yesu kumushi wakwe.

Yohane 20:10

Elo abakusambila babili mbalya balibwelelemo kumwabo.

Yohane 4:21

Yesu asosele ati, “We mwanakashi, nachine inshita yakwisa apo abantu tabayise kulombelapo Bata muli ndu lupili nangu mu Yelusalemu.

Yohane 4:23

Nomba inshita ikoyisa, nanomba ilifikile kale, ulo abamulomba mukwebesha bakalomba Bata kufiso fyaku Mupashi Wabuta ukubati niumo afwayila. Ukulomba ukwinenene uko Bata bafwaya.

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Yohane 5:28

Mwilenga mushimbwe pali nchi, inshita ikoyisa ulo abafwa bonse bakwisa kumfwa ishiwi lyakwe.

Yohane 8:16

Nangu kati nebo ndapingula, ukupingula kwanji kwakwebesha pantu nshilipo nenka iyowo, kuntu Bata abantumine bali pamo nandibo.

Yohane 8:29

Uyo uwantuma aba pamo nanebo, tanshabapo nenka iyowo pantu lonse nchita ifimusekesha.”

Imilimo ya batumwa 21:6

Panuma yakulayana, twapateme mubwato, nabo balibwelelemo kumushi.

Imilimo ya batumwa 8:1

Saulo naye alikubasuminisha ulo balikwipaya Sitefano. Ukufuma pali nkalya kasuba Abayuda batatikile ukuchusha abena Klistu abamu Yelusalemu. Echo abena Klistu bonse bapalanganine muchalo cha Yudeya necha Samaliya. Abatumwa benka ebashele mumusumba.