Yohane 16:30 - Chipangano Chabwangu

³⁰ Nomba twayishiba ukuti mwalishiba fyonse, tachikofwayikwapo ukuti umuntu amufumbepo. Echo twasumina ukuti mwafumine kuli Lesa.”

Yohane 16:30 ပူးပေါင်းရင်းမြစ်များ

Yohane 16:17

Bambi abakusambila bakwe balifumbashenye bati, “Mba nchi chikoyalula ndo? Akotweba ati, ‘Pakanshita kanini tatwakamubonepo nakambi akapitapo akanshita kanini twakwisa kumubona.’ Elo akososa ati, ‘Nipamulandu wakuti nkoya kuli Bata?’”

Yohane 16:23

“Muli nkalya kasuba tamwayise kumfumba akantu iyowo. Nachine nkomweba ati, nga mwakufumba akantu kuli Bata mwishina lyanji, bakumupela.

Yohane 16:26

Ulo nkalya kasuba kakwisa, mwakwisa kufumba mwishina lyanji, nshikoeba ukuti nakwisa kumulombela kuli Bata

Yohane 16:31

Yesu alibasukile ati, “Kanshi nomba mukochetekela?

Yohane 17:8

Pakuti nalibasambisha amashiwi ayo mwampele, nabo balipokelele. Nomba balishibile ukwebesha ukuti nafuma kuli mwe. Echo balichetekela ukuti nimwe mwantumine.

Yohane 2:11

Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 21:17

Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.

Yohane 5:20

Pakuti Bawishi balitemwa Umwana, elo balamulanga ifintu ifyo Bo bachita. Elo akwisa kumulanga ifintu ifikulu ukuchila pali mfi, epo mwebo bonse mwakwisa kushimbwa ukwinekantu.

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.

Hebele 4:13

Tapapo akantu akafisamika pamenso yaku Lesa, kuntu fyonse fyabafye palwalala nokufisuluka kuli Ye. Elo kuli Ye tulingile ukuebelela ifyo twachitile.