Yohane 16:25 - Chipangano Chabwangu

²⁵ “Nomba nkososa namwebo mfi fintu mufyelusho, kuntu inshita ikoyisa iyo tanshayise kusosapo nakambi munshila nji. Nakwisa kumulondolwela ifyaku Bata pamenso-kutuba.

Yohane 16:25 ပူးပေါင်းရင်းမြစ်များ

Maliko 4:13

Epo Yesu alibafumbile ati, “Kanshi tamwishibilepo umwalola nchi chelusho? Epo mwakwishiba shani ifyelusho fimbi?

Maliko 4:34

Talikubasoselapo akantu nangu kamo ukwambula ukubasosesha mufyelusho, kuntu kumbali eko alikulondolola fyonse kubakusambila bakwe.

Maliko 8:32

Ndi shiwi alisosele pamenso-kutuba. Ulo Petulo aumfwile mfi, abulile Yesu nokuya nakwe pambali. Elo atatikile ukumwebaula.

Yohane 10:24

Elo abantu bamushingulukile nokumufumba ati, “Mba ninshita ndo wakuyifisulula wemwine ukuti ewe Wasubwa waku Lesa? Twebeko apabuta tuutu ukuti twilokukayika-kayikapo.”

Yohane 10:6

Yesu abebele nchi chelusho, kuntu bena tabaumfwilepo umo chalolele.

Yohane 16:12

“Ndi nafyo ifintu ifinji ifyakusosa kuli mwe, kuntu tekuti mufyumfwikishepo iyowo.

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.

Yohane 16:32

Inshita ikoyisa, nanomba ilifikile kale, ulo mwakwisa kupalangana nokuya kumwenu-mwenu. Elo nakushala nenka. Nangu chakuba mfi, tanshakabepo nenka pakuti Bata bali nandibo.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.