Yohane 16:22 - Chipangano Chabwangu

²² Emfilya chili kuli mwe. Nomba muli nechikonko, kuntu nakwisa kumubona nakambi. Elo imitima yenu yakwisa kwiula nokusekelela. Echo ukusekelela kwenu tapapo nangu umo uukoyisa kukufumyako kuli mwe.

Yohane 16:22 ပူးပေါင်းရင်းမြစ်များ

Mateyo 28:8

Bwangu-bwangu, abanakashi mbalya balifumineko kumanda. Nangu bali nomwenso, nomba balisekelele ukwinekantu! Bayile ulo babutuka ulubilo mukweba abakusambila bakwe.

Luka 10:42

kuntu ichikofwayikwa chimo bwaka. Pakuba Maliya asala ichintu chimo ichiweme, icho ichitayise kupokwa kuli ye.”

Luka 16:25

“Nomba Abulahamu asosele ati, ‘We mwana wanji, ibukisha, mubumi bobe bonse walipelwe ifiweme fyenka, kuntu Lasalo ena ifibi. Nomba ye alimukusekelela nkuno, webo ukochula.

Luka 19:26

“Imfumu yabasukile ati ‘Nkomweba ati, kumuntu onse uukwete akubikilwapo nafimbi, kuntu uukwete akanini, nakanini ako akwete akupokwa.

Luka 24:41

Nomba napo pene tabachetekelepo pantu bali nokusekelela ukukulu, nokushimbwa. Elo abafumbile ati, “Napo mulikwetepo ifyakulya mpano?”

Yohane 14:1

“Imitima yenu yisakamikwa. Chetekeleni muli Lesa nakambi chetekeleni muli ne.

Yohane 14:19

Munshita bwaka iinini, ichalo tachakambonepo, kuntu mwebo mwakwisa kumbona pakuti nebo ndimumi, namwe mwakwisa kwikala nobumi.

Yohane 14:27

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Yohane 16:16

“Pakanshita kanini tamwayise kumbonapo, nakambi akapitapo akanshita kanini mwakwisa kumbona.”

Yohane 16:20

Nachine nkomweba ati, mwakulila imisowa, kuntu ichalo chikoyisa kusekelela. Mwebo mwakwisa kuba nechikonko, kuntu ichikonko chenu chakwaluka ukusekelela.

Yohane 16:6

Nipamulandu wakuti namweba mwebo amashiwi nga echo imitima yenu yayiwulamo nechikonko.

Yohane 21:7

Penkapo uwakusambila uwo Yesu atemenwe asosele kuli Petulo ati, “Ni Bashikulu!” Ulo Petulo aumfwile ati ni Bashikulu, abulile ilaya lyakwe nokufwala. (Pakuba alifulile amalaya pamulandu wamulimo.) Ulo ashilile ukufwala, achilukile mumenshi.

Yohane 4:14

kuntu onse uunwa amenshi nakumupa tayise kumfwapo chilaka nakambi. Amenshi awo nakumupa akwisa kuba muli ye akamfuku-mfuku nokumupela amenshi aabumi butapwa.”

Imilimo ya batumwa 13:52

Nomba abena Klistu abamu Antiyoki bayiwile Umupashi Wabuta nokusekelela.

Imilimo ya batumwa 16:25

Elo pakati kabushiku, Paulo na Sailasi balikulomba nokwiimba inyimbo shaku Lesa, nabafungwa banabo balikumfwako.

Imilimo ya batumwa 2:46

Chila kasuba balikukumana pamo munanda yaku Lesa nomutima umo. Elo balikupokelela umulalilo mumananda yabo nokulya ifyakulya nemitima yansansa nokuyichefya.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

Hebele 10:34

Mwalikwete inkumbu pali bo abali muchifungo. Nambalya abalikumupoka ububoni bwenu mwalikubaleka bwaka, pakuti mwalishibile ukuti mwebo mwali nobuboni ubwachilapo ubutapwapo.

Hebele 6:18

Elo pali ifintu fibili ifitangapilibukapo: ichilapo nakambi ifyo Lesa tekuti abepepo iyowo. Echo Lesa afwayile ukuti akoseleshe fwebo, fwe babutukile kuli Ye ukuti tushipikishe ukulolela uko atupele.

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.