Yohane 16:20 - Chipangano Chabwangu

²⁰ Nachine nkomweba ati, mwakulila imisowa, kuntu ichalo chikoyisa kusekelela. Mwebo mwakwisa kuba nechikonko, kuntu ichikonko chenu chakwaluka ukusekelela.

Yohane 16:20 ပူးပေါင်းရင်းမြစ်များ

Mateyo 21:38

Nomba ulo abalimi bamubwene, balisoshenye abati, ‘Tenjilya impyani yakwe ikoyisa. Iseni tumwipaye pakuti ibala libe lyesu.’

Mateyo 5:4

“Balishuka bo abakolosha, pakuti Lesa akubashinshinta.

Maliko 14:72

Tambala alililile nenshita iyakulenga shibili. Elo Petulo ayibukishe ifyo Yesu asosele ati, “Ulo tambala atalalila imiku ibili, akunkana imiku itatu.” Elo Petulo afumine panse nokulila ukwinekantu.

Maliko 16:10

Naye ayile kushimikilako abalikwenda na Yesu, bo abayikele nechikonko nokulila.

Luka 22:45

Ulo Yesu ayimine apo ali mukulomba, abwelele kubakusambila bakwe nokubasanga balilele utulo, pantu bali nechikonko.

Luka 22:62

Elo Petulo afumine panse nokulila ukwinekantu.

Luka 23:27

Elo ibumba ilikulu ilyabantu lyalimukonkele. Mukati kabo mwali nabanakashi abali kulila imisowa.

Luka 24:17

Elo Yesu abafumbile ati, “Findo ifyo mukososhanyapo?” Bayimakene chelele, nefinso ifyachikonko.

Luka 24:21

Twalichetekele ukuti ngu ewishile mukulubula Isilaeli! Lelo ekasuba kakulenga shitatu apo fyachitikile.

Luka 6:21

“Mwalishuka mwebo mwe bakoumfwa insala nomba, pakuti mwakwisa kwikuta! “Mwalishuka mwebo mwe bakolosha nduno, pakuti mwakwisa kuseka!

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Yohane 16:6

Nipamulandu wakuti namweba mwebo amashiwi nga echo imitima yenu yayiwulamo nechikonko.

Yohane 20:20

Pakusosa mfi, alibalangile amaboko akwe nechitumba chakwe. Elo abakusambila balisekelele pakubona Bashikulu.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Loma 5:11

Te mfi fyenkapo iyowo, kuntu tukosansamuka muli Lesa pamulandu waku Bashikulu Yesu Klistu, abatulengele ifibusa na Lesa.

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

1 Tesalonika 1:6

Mwalikutenteka imikalilo yesu neya Bashikulu Yesu. Mwapokelele Ubutumi Bwawama mukusangalala uko Mupashi Wabuta wamupele, nangu mwalikuchula.

Yemusi 1:2

Mwe bawesu mulokusekelela ulo mukoyeshekwa kumachushi ayapusene-pusene.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.

Ukufisulula 11:10

Abantu bonse abekala muchalo bakusekelela pamulandu wamfwa shabo. Bakusekelela nokutuminshanya ifyabupe pakuti abasoseshi babili mba balikuchusha ukwinekantu abantu bapanonshi.

Ukufisulula 18:7

Mumuchushe nokumumfwisha insoni ukwinekantu, kubati nimulya alitondayishe nokwisekesha. Pakuti mumutima wakwe alayisosha ati, ‘Epondi nebo namfumu. Tenepo mukamfwilwa, elo takupo akasuba nakwikala nkumba-bulili iyowo.’