Yohane 16:11 - Chipangano Chabwangu

¹¹ Akubashinina pamulandu wabupingushi, pantu Satana, imfumu yabantu ababi abamuchalo, alipingulwa kale.

Yohane 16:11 ပူးပေါင်းရင်းမြစ်များ

Mateyo 12:18

“Ngu emubomfi wanji uwo nasala uwo natemwesha. Elo muli ye ndasekelela. Nakumupela Umupashi wanji, elo naye akubilisha ifyabupingushi bwanji kunko shonse.

Mateyo 12:36

“Nomba nkomweba ati, pakasuba kabupingushi abantu bakupelwa imilandu pamulandu wamashiwi onse awo basosa ichisose-sose.

Luka 10:18

Yesu alibasukile ati, “Nabwene Satana akowa ukufuma kumulu kubati kampeshi-mpeshi.

Yohane 12:31

Nomba enshita yakupingulwa kwabantu banchino chalo, Satana kateka wanchino chalo, akutamfishiwa.

Yohane 14:30

Tanshasosepo namwebo inshita iitali, pantu Satana, imfumu ya nchino chalo, ikoyisa. Nomba tayikwetepo ifiso fyakunchila.

Yohane 16:12

“Ndi nafyo ifintu ifinji ifyakusosa kuli mwe, kuntu tekuti mufyumfwikishepo iyowo.

Imilimo ya batumwa 10:42

Nakambi Yesu atwebele ukusambisha Ubutumi Bwawama kubantu ukubeba ati eye Lesa asala ukuti abe kapingula wabantu abomi nabafwa.

Imilimo ya batumwa 24:25

Ulo Paulo atatikile ukulondolola ifyakuchita ifiweme, ukuyilama nobushiku bwakupingulwa, Felekisi ayiketwe nomwenso. Elo aebele Paulo ati, “Pali njino nshita koya ngale. Nakukwita ulo nakubona inshita iyiweme.”

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 16:20

Elo Lesa uupela umutende, akumupela ifiso ifyakuchimfishako Satana. Ubwanshi bwaku Bashikulu Yesu bube namwebo bonse.

Loma 2:16

Echo nomba, ukulingana no Butumi Bwawama ubo mbilisha, mfi efyo chakwisa kuba muli nkalya kasuba ulo Lesa, ukupitila muli Yesu Klistu, akwisa kupingula ifyamubumfishi fyonse ifyaba mumitima yabo.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Kolose 2:15

Muli Klistu, Lesa afumishe ifiso ifyabakateka nabansambu bonse nokubalenga insoni palwalala ulo abalangile ukuchimfya kwakwe.

Hebele 2:14

Nomba pakusanga ukuti abana mba bantu abaminofu nomulopa, Yesu umwine alyalukile umuntu kubati nibo. Alichitile mfi ukuti ukupitila mumfwa yakwe onaule Kachenjeleka uyo uuli nefiso pamfwa.

Hebele 6:2

Mukusambisha ifyalubatisho, ifyakubikapo amaboko, ifyakubuka kubafwa, elo nefyabupingushi ubwamuyayaya.

Hebele 9:27

Umuntu uuli onse alinokufwapo limo, elo panuma kupingulwa.

2 Petulo 3:7

Nomba Lesa namashiwi enka nga, asunga iwulu nechalo ifyo tubona nduno ukwebati akafyoche kumulilo. Alifisunga ukufikila pakasuba ako akupingula nokonaula abantu abatachetekela.

1 Yohane 3:8

Uyo utwalilila ukubifya wakwa Satana, pantu Satana nimbifi ukutula kukutatika. Echo no Mwana waku Lesa abonekele ukuti aonaule imilimo yakwa Satana.

Ukufisulula 1:7

Boneni akoyisa pamakumbi! Echo bonse bakumubona pamo nabo abamulashile. Imikowa yonse yamuno chalo yakulila pamulandu wakwe. Nachine nifyenka mfi. Ameni.