Yohane 15:5 - Chipangano Chabwangu

⁵ “Nine mpesha, mwebo muli misambo. Uyo uukoyikala muli nebo, nandibo muli ye, eukotwala ifitwalo ifinji pakuti mwebo tamungachitapo akantu nangu kamo ukwambula ine.

Yohane 15:5 ပူးပေါင်းရင်းမြစ်များ

Mateyo 13:21

Nomba amashiwi nga tayenjilisha mumitima yabo, yekalamo bwaka inshita iinini, kuntu ulo kwayisa ubuchushi nomwalu, pamulandu wamashiwi aku Lesa, bwangu-bwangu baleka ukumfwa amashiwi nga.

Yohane 12:24

Nachine nkomweba ati, nga uluseke lwaku tiligu taluponene mumushili nokufwa, lulaba lumo bwaka. Nga lwafwa, elo lumena nokutwala inseke ishinji.

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 5:19

Yesu alibasukile abakulu ba Bayuda ati, “Nachine nkomweba ati, Umwana tachitapo kantu nangu kamo apaenka. Ye achita fyonse ifyo abona Bawishi bachita. Pakuti yonse imilimo achita Wishi, no Mwana naye alachita yenka njilya.

Yohane 9:33

Ngu muntu kati taafuminepo kuli Lesa, tekuti achitepo akantu nangu kamo.”

Imilimo ya batumwa 4:12

Ukupuluka kusangwa muli Ye epela pantu takupo ishina limbi panonshi Lesa apela kubantu ilyo twingapulukilamo.”

Loma 12:5

Munshila imo yenka, nafwebo fwe bachetekela, nangu tuli abenji, twaba umubili umo muli Klistu. Echo twalikumbinkana pamo ngefilewa ifyamubili umo.

Loma 6:22

Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

Loma 7:4

Munshila imo yenka, mwe bawesu, namwebo mwalifwa ukulingana nefunde nokuba ifiputulwa ifyamubili uwaku Klistu uyo uwabushiwe ukufuma kumfwa. Echo tupyungile Lesa imilimo iiweme.

1 Kolinto 10:16

Ulo tunwako kulukombo uko tutotela Lesa, nku kwakanapo mumulopa waku Klistu. Umufuba uwo tusunaula, napo tatukumbinkanapo nomubili waku Klistu uyo tulyako?

1 Kolinto 12:12

Klistu aba kubati mubili umo uwaba nefilewa ifinji. Nangu ifilewa fibe ifinji, kuntu umubili waba umo enka epela.

1 Kolinto 12:27

Echo mwebo bonse muli umubili waku Yesu. Elo bonse muli ifilewa fyamubili waku Ye.

2 Kolinto 13:8

Pakuba tekuti tuchitepo ichili chonse chitendelana nechine, kuntu ifyendelana nechine.

2 Kolinto 9:10

Lesa uupela imbuto nefyakulya kubalimi akumupela imbuto ukuti mubyale, elo akushifusha. Akafusha nakambi ifisabo ifyabupe bwenu ubwankumbu.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Efeso 5:9

Pakuba apali ukusanika pasangwapo ubune, ubulungami nefyachine fyonse.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 4:13

Ningachita ichili chonse pakuti Klistu eumpela ifiso.

Filipi 4:17

Tekwebati nkofwaya ichabupe kuli mwe, kuntu nkofwaya ukuti mushukishiwe pakupela kwenu.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Kolose 1:6

Ubutumi mbu buleta ukushuka nokumfwika muchalo chonse nga fintu bwaumfwika kuli mwebo, ukufuma bwaka pakasuba mwasumine ubwanshi bwaku Lesa muchine.

Yemusi 1:17

Ichabupe chonse ichiweme nechakufikapo chifuma kumulu kuli Lesa, katala wamfilya ifisanika kumulu. Ye taalukapo, elo ukusanika kwakwe takwaalukapo kubati chimfule.

1 Petulo 2:4

Nomba iseni kuli Ye uuli libwe lyabumi ilyo abantu bakene, kuntu Lesa alisalile nokulichinshika.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.