Yohane 15:22 - Chipangano Chabwangu

²² Nga chakuti nshayishile nokusosa nabo nga tabali nako ukubifya. Nomba tabakwetepo ichakusosa pakubifya kwabo.

Yohane 15:22 ပူးပေါင်းရင်းမြစ်များ

Luka 12:46

Shikulu wamupyungi ngulya akufika mukasuba atamwibukile napanshita ateshibilepo. Nachine shikulu wakwe akumufumyamo nokumubika muchifulo chimo nabatachetekela.

Yohane 12:48

Muntu onse uukonkana nokutapokelela amashiwi anji, eko ali uwakwisa kumupingula. Amashiwi ayo nsosele eyakwisa kumupingula pakasuba kakumupwilo.

Yohane 15:23

Umuntu onse uwapata nebo, apata na Bata.

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Yohane 16:9

Akubashinina pamulandu wabubi, pakuti tabachetekelepo muli nebo.

Yohane 19:11

Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”

Yohane 9:41

Yesu alibasukile ati, “Nga mwaba impofu, nga tekuti mukwatepo umulandu, kuntu apo musosa ukuti, ‘Tulabona,’ mwalikwata umulandu.”

Imilimo ya batumwa 17:30

Ukuba Lesa alisulako kufintu abantu balikuchita panshita iyo batamwishibilepo, kuntu nomba akofwaya abantu mpanga yonse ukuti balapile.

Loma 1:20

Pakuba ukufuma apo Lesa atalile ichalo, abantu balishibile ifyo Lesa ali, emukuti ifiso fyakwe fitapwapo, elo nobulesa bwakwe. Abantu baleshiba mfi ulo babona ifyo Lesa alengele. Echo tabakwetepo ichakwipokolwelako.

Loma 2:1

Webo we upingula bambi, nangu chibe ati niwe nani, taukwetepo akabepesho. Pakuba ulo upingula abanobe, ulayipingula wemwine wenka, pakuti nawe ulachita fimo fyenka.

Yemusi 4:17

Echo umuntu onse uwishibile ifyo alingile ukuchita, elo tafichitapo, alabifya.

1 Petulo 2:16

Ikaleni kubati bantu ababwanalale, kuntu mwiyalula ubwanalale bwenu ichakufimba pafibi fyenu. Ikaleni nga abapyungi baku Lesa.