Yohane 15:20 - Chipangano Chabwangu

²⁰ Ibukileni ifyo nasosele namwe ukuti, ‘Umusha tali umukulu ukuchila shikulu wakwe!’ Nga balinchushishe nebo, epo bakumuchusha namwe kumo. Nga basungile ukusambisha kwanji, elo bakusunga nokusambisha kwenu.

Yohane 15:20 ပူးပေါင်းရင်းမြစ်များ

Mateyo 10:24

“Napo tamwayishibapo ukwebati uwakusambila tachilapo pamusambishi wakwe, nakambi umusha naye tachilapo pali shikulu wakwe?

Maliko 10:39

Nabo balimwasukile ati, “Ina, kuti twachita.” Yesu abasukile ati, “Nachine mwakwisa kunwako kulukombo nebo nakunwenako, nakambi mwakwisa kubatishiwa munshila iyo nebo nakubatishiwamo.

Luka 2:34

Simyoni alibashukishe nokusosa kuli Maliya banyina ati, “Bona ngu mwana wabikwa ukuti abenji mu Isilaeli bakuwa, abenji nabo bakwima. Akuba ichishibilo chakwa Lesa icho abantu abenji balikukana.

Luka 6:40

Uwakusambila tachila musambishi wakwe. Nomba nga apwisha ukusambilila, alalingana nomusambishi wakwe.

Yohane 10:31

Abayuda mbalya batolele amabwe ukuti bamulase.

Yohane 11:57

Intungulushi shabachipupila na Bafalisi bapele abantu amafunde aakuti nga kwakuba umuntu uwakwishiba uko Yesu ali, alingile ayisa mukusosela ukwebati bamwikate.

Yohane 13:16

Nachine nkomweba ati, takupo umusha uwachila wishikulu wakwe, nangu intumi ukuchila uyo uwamutumine.

Yohane 5:16

Nomba batatikile ukuchusha Yesu pakuti aposeshe umuntu pakasuba ke Sabata.

Yohane 7:32

Ulo Abafalisi baumfwile ifyo abantu balikutepeleshanya namfi ifyaku Yesu, intungulushi shabachipupila na Bafalisi batumine bamalonda ukuti baye bamwikate Yesu.

Yohane 8:51

Nachine nkokweba ati, umuntu onse uwakumfwa ukusambisha kwanji takafwepo.”

Yohane 8:52

Abantu bamusoseshe ati, “Nomba twayishiba nachine ukuti alikwete umupashi uubi. Pantu Abulahamu alifwa, nabasoseshi balifwa, kuntu webo ukoeba ati uyo muntu uwakumfwa ukusambisha kobe takafwepo.

Yohane 8:59

Elo Abayuda batolele amabwe ukuti bamulase, kuntu Yesu alyongolokelepo nokufumamo munanda yaku Lesa.

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

1 Kolinto 4:12

Tulapyunga imilimo namaboko esu. Ulo bantu batulapisha, fwebo tulabalombela kuli Lesa ukuti abashukishe. Ulo batuchusha, fwebo tulashipikisha.

2 Kolinto 4:9

Utupondo twesu tulatuchusha, nomba tatubulapo uwakutwafwilisha. Tulafwantwa panshi, nomba tatonaulwapo iyowo.

1 Tesalonika 2:15

Emba abayipeye Yesu Klistu nabasoseshi bakale pamo nafwebo. Mba bantu tabakosekeshapo na Lesa. Elo balapatana nabantu bonse.

2 Timoti 3:12

Nachine bonse abakofwaya ukuba nobumi ubwakumfwila Lesa muli Klistu Yesu, bakuchushiwa.