Yohane 15:2 - Chipangano Chabwangu

² Umusambo onse uutakotwalapo ifitwalo bakoutema nokuufumyako, nangulya uukotwala bakouwamya ukwebati ukatwale ifitwalo ifinji.

Yohane 15:2 ပူးပေါင်းရင်းမြစ်များ

Mateyo 13:12

Pantu uyo uukwetepo tunini, akapokwa noto akwete.

Mateyo 13:33

Nakambi Yesu abebele nachimbi ichelusho ati, “Ubufumu bwakumulu buli kubati mimena iyo umwanakashi ayabikile muli bansako batatu, nokufuba umufuba ukufikila onse watutumuka.”

Mateyo 15:13

Naye alibasukile ati, “Ichilimbwa chonse icho Bata abakumulu batalimbilepo bakuchishula.

Mateyo 21:19

Ulo abwene umukunyu mumbali yanshila, alileko ukuti alyeko amakunyu. Nomba asangileko bwaka amabula enka. Elo asosele kumukunyu ati, “Ukufuma nduno tawakatwalepo nakambi ifisabo.” Penkapo umukunyu ngulya walyumine.

Mateyo 25:29

Pantu umuntu ukwete ifinji, akubikilwapo nafimbi, nangulya uukwete tunini akupokwa noto akwete.

Mateyo 3:10

Isembe lilibikilwe kale pamushu uukulu uuli onse uwachiti. Pakuti ichiti chonse ichitatwalapo ifitwalo ifiweme bakuchitema nokuchiposa mumulilo.

Mateyo 3:12

Alikwete nolupe muminwe yakwe ulwakwelelako tiligu. Elo akututila tiligu mubutala bwakwe, kuntu imisungu mumulilo uutashimapo.”

Mateyo 7:19

Ichiti chonse ichitatwalapo ifitwalo ifiweme bakachitema nokuchiposa mumulilo.

Maliko 4:20

Nomba bambi eko bali ababa nge mbuto ishawile mumushili uuweme. Mba ebomfwa amashiwi aku Lesa nokwapokelela mumitima yabo. Elo batwala ifitwalo, bambi amakumi atatu, bambi amakumi asano na limo, bambi nabo umwanda umo.”

Luka 8:13

Imbuto ishawile mulubwelekese, ebantu abomfwa amashiwi aku Lesa nokuyapokelela elo nokusekelela, nomba tayenjilisha mumitima yabo. Bakochetekela pakashita akanini bwaka. Ulo inshita yakwesheka yaisa balanakuka.

Yohane 15:1

“Nebo ndi mpesha ine-ine. Bata ebalimi.

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 15:3

Mwebo muli abawamikwa kale muli nga mashiwi nsosele kuli mwe.

Yohane 15:6

Kati umuntu takoyikalililapo muli nebo, akoposwa kunse kubati musambo uwaputulwa, elo akuuma. Imisambo iili mfilya abantu balayilonganya pamo nokuyiposa mumulilo elo ilapya.

Yohane 15:8

Bata bakochinshikwa muli nchi ichakuti mutwale ifitwalo ifinji, elo mukoyisa kuba abakusambila banji.

Yohane 17:12

Ulo nali nabo nalibasungile mwishina lyenu ndilya mwampele. Elo nalikubalama, tapapo nangu umo uwaku bo uwaonayikile, kuntu ngulya uwali nokonayika ukuti Amalembo afikilishiwe.

Loma 11:17

Imisambo imbi yachiti chamaolife yakontokele, elo Lesa alikambatikilepo iyamumpanga muchifulo yachiko. Mwe benafyalo muli kubati misambo iyamumpanga njilya, kuntu nomba mukopokelela ifiso ififuma muchiti chamaolife ichabyalwa, ekwebati ukufuma kubena Isilaeli.

Loma 11:22

Nomba mwishibe ukuti Lesa wankumbu, elo mukali. Mukali kuli bo abawa, kuntu wankumbu kuli mwebo chikulu tamusulapo inkumbu shakwe. Nga chakuti mwasula, akumuputulako.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

1 Kolinto 13:1

Nangu ningasosa shani mundimi shabantu nangu shabangelo, nomba nga nshikwetepo ukutemwa, ukusosa kwanji kuli bwaka kubati ninyenjele nangu ichingolo ichikolila.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

1 Yohane 2:19

Mba bantu bali nafwebo kale, kuntu tabalipo bebumba lyesu. Ababa bamwibumba lyesu nga twayikele nabo. Lelo balifumine ukuti baboneke ati tabali bamwibumba lyesu.

Ukufisulula 3:19

Bonse natemwa ndabakalipila nokubachusha. Nomba uchinchile nokulapila.