Yohane 15:19 - Chipangano Chabwangu

¹⁹ Nga mwali abamuchalo, ichalo nga chalimutemenwe ukubati abene. Nomba nebo nalimusalile ukufuma muchalo, tamuli nomba abamuli nchino chalo. Echo ichalo nomba chikomupatila.

Yohane 15:19 ပူးပေါင်းရင်းမြစ်များ

Mateyo 10:22

Abantu bonse bakumupata pamulandu waku nebo. Nomba uwakushipikisha ukufika nakumupwilo ewakupuluka.

Mateyo 24:9

“Abantu bamitundu yonse bakumusula pamulandu wanji.

Luka 6:32

“Nomba kati mukotemwa bwaka abantu abamutemwa, lishuko ndo mwingabwenamo? Pakuba ababi nabo balatemwa ababatemwa!

Yohane 13:18

“Nshikososapo ifyakumwebo bonse, nalibeshiba abo nebo nasala. Nomba Amalembo Apatulika alingile alanga ukwebesha aakoti, ‘Umuntu uyo uukolya pamo nandibo ewambukila.’

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 6:70

Yesu abasukile ati, “Napo tenepo namusalile mwe bakusambila ikumi na babili? Nomba umo uwakumwebo nimbifi!”

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

1 Petulo 4:3

Pakuba akale mwaposele inshita mukwikala mumichitile iyo abatachetekela Lesa bafwaya ukuchita. Mwalikwenda mubusali, mulunkumbwa ulubi, mubuchakolwa, mubukabundulu, mufitala fyapabwalwa nokulomba tungosa wakubasa utwamuselu.

1 Yohane 3:12

Tatufwilepo ukubati ni Kaini uwakulubali lwakwa Mubi. Ayipeye wakwe Abeli. Nindo Kaini amwipayile? Pantu Kaini alechita ifintu ifibi, elo Abeli alechita ifintu ifiweme.

Ukufisulula 12:17

Ichisoka nchi chalikalipile umwanakashi ukwinekantu. Elo chayile ukulwisha abamukowa bamwanakashi ngu abashele balikulama amafunde aku Lesa, bo abalikubilisha ifyaku Yesu muchine.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.