Yohane 14:6 - Chipangano Chabwangu

⁶ Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 14:6 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Yohane 1:4

Muli Ye mwali ubumi. Elo mbu bumi bwaletele kusanika kubantu.

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Yohane 10:7

Nakambi Yesu asosele kuli bo ati, “Nachine nkomweba ati, nine mulyango wambelele.

Yohane 10:9

Nine mulyango. Umuntu onse uwinjilila pali nebo akwisa kupuluka. Akwisa kwinjila mukati nakambi nokufuma nokusanga ichakulya.

Yohane 14:19

Munshita bwaka iinini, ichalo tachakambonepo, kuntu mwebo mwakwisa kumbona pakuti nebo ndimumi, namwe mwakwisa kwikala nobumi.

Yohane 15:1

“Nebo ndi mpesha ine-ine. Bata ebalimi.

Yohane 18:37

Elo Pilato amufumbile ati, “Kanshi webo uli mfumu?” Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 6:33

Pakuti umufuba waku Lesa, ningulya uwayika kumulu ukwisa kupela ubumi bwakwe kuchalo.”

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Yohane 6:57

Pakuti Bata abayikalilila ababumi ebantuma nebo, epo pamulandu waku Bo nandibo nalikalilila uwabumi. Munshila imo yenka, muntu onse uwakulya nebo akwisa kuba nobumi pamulandu wakunebo.

Yohane 6:68

Simoni Petulo alimwasukile ati, “Bashikulu, mba nikuli nani twingaya? Nimwe mukwete amashiwi aapela ubumi butashila.

Yohane 8:32

Elo mwakwishiba ukwebesha, nanku kwebesha kwakwisa kumulubula.”

Yohane 8:51

Nachine nkokweba ati, umuntu onse uwakumfwa ukusambisha kwanji takafwepo.”

Imilimo ya batumwa 3:15

Echo mwayipeye umwine wabumi, kuntu Lesa amubushishe kubafwa. Elo fwebo tuli bakamboni pali ngu mulandu.

Imilimo ya batumwa 4:12

Ukupuluka kusangwa muli Ye epela pantu takupo ishina limbi panonshi Lesa apela kubantu ilyo twingapulukilamo.”

Imilimo ya batumwa 9:2

mukupapata amakalata akuya kulanga kufilonganino fya Bayuda mumusumba waku Damasikasi. Alikufwaya ukuti nga asanga abalekonka Inshila yaku Bashikulu Yesu, akabekate nokubakaka bonse, abalalume nabanakashi, nokubatwala ku Yelusalemu.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

Loma 5:2

Bashikulu Yesu Klistu ebatwiswile inshila yakuti ukupitila muchichetekelo Lesa aatupele ubwanshi ubo tuli nabo nomba. Echo tulesansamuka pakwishiba ati twakuba nobuleme bwaku Lesa.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

Efeso 2:18

Pakuti muli Klistu fwebo bonse, Abayuda nabenafyalo, twingafika kuli Bata mu Mupashi Wabuta umo epela.

Kolose 2:17

Mfi fyonse chimfule bwaka ichafintu finenene ifikoyisa, kuntu ifinenene mfi ni Klistu wine.

Kolose 2:9

Pakuba mumubili waku Klistu emwayikala bulesa bonse.

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

Hebele 7:25

Pamulandu wakwe engapulusha bo abesa mupepi na Lesa ukupitila muli Ye, pakuti ngu ali nobumi inshita shonse ukuti abalombele.

Hebele 9:8

Munshila yenka nji Umupashi Wabuta ukosambisha ukuti tapapo inshita imbi iyakwinjililapo Muchifulo Ichabutisha nga Ichifulo Chabuta epo chili.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

1 Petulo 2:4

Nomba iseni kuli Ye uuli libwe lyabumi ilyo abantu bakene, kuntu Lesa alisalile nokulichinshika.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Yohane 1:8

Nga twasosa ukuti tatwakwatapo bubi, twayibepafye, nechine tamupo muli fwe.

1 Yohane 2:23

Umuntu onse uukana Umwana akana na Bata. Uwasumina Umwana ekuti asumina na Bata.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

1 Yohane 5:6

Yesu Klistu ewayishile ukupitila mumenshi aalubatisho nomulopa wamfwa yakwe. Tayishilepo mumenshi bwaka, kuntu mumenshi namumulopa wakwe. Mupashi Wabuta ekamboni pantu wachishinka.

2 Yohane 1:9

Umuntu onse uutekalilila mukusambisha kwaku Klistu, kuntu akolundako, takwatapo Lesa. Lelo uwikalilila mukusambisha nku nakwata bonse babili, Bata no Mwana.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 19:11

Panuma yaku mfi nalibwene kumulu kwayisuka. Nalibwene nakabalwe uwabuta. Uwakwelele pali ye bamwita ukuti Uwachetekelwa nakambi Uwachine. Eupingula nokulwa mubulungami.

Ukufisulula 20:15

Elo bonse abatasangilwemo mwibuku lyabumi, baliposelwe muli bemba wamulilo.

Ukufisulula 22:1

Nakambi umungelo alinangile inika yamenshi ayapela ubumi ayali kubeka kubati ligalashi. Inika nji yalikufuma kumupando waku Lesa nowa Mwana wambelele.

Ukufisulula 22:17

Umupashi Wabuta na nabwinga bakoti, “Iseni!” Na uyo onse uukoumfwa amashiwi nga asose ati, “Iseni!” Uli onse uukwete ichilaka ese apokelele bwaka amenshi aapela ubumi.

Ukufisulula 3:14

“Uutangilila ichilonganino chaku Lawodisiya umulembele: “Nga mashiwi aafuma kuli Ameni, kamboni uwabuchetekelo nechine. Entulo iyafibumbwa fyonse ifyaku Lesa.

Ukufisulula 3:7

“Uutangilila ichilonganino chaku Filadelufiya umulembele: “Nga mashiwi aafuma kuli uyo Uwabuta nowachine. Alikwete ulufungulo lwakwa Davide. Engulya uwakuti nga ayisula, tapapo uwakwisala, nakambi nga ayisala, tapapo uwakwisula.