Yohane 14:27 - Chipangano Chabwangu

²⁷ “Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Yohane 14:27 ပူးပေါင်းရင်းမြစ်များ

Filipi 4:7

Elo umutende uufuma kuli Lesa, uyo uuchilapo pamano onse ayamuntu, wakulama bwino imitima yenu namalangulushi enu muli Klistu Yesu.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

2 Tesalonika 3:16

Lekeni Bashikulu abene bamutende bamupele umutende munshita namunshila shonse. Bashikulu wesu babe namwebo bonse.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

2 Timoti 1:7

Pakuti Lesa tatupelepo Umupashi wamwenso iyowo, kuntu uutupela ifiso, ukutemwa nokwikanya.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 8:6

Ukubika umutima pafintu fyapanonshi nimfwa, kuntu ukubika umutima kufyo Umupashi Wabuta ufwaya chilaleta ubumi nomutende.

Galatiya 1:3

Lesa Bata na Yesu Klistu Shikulu wesu bamupele ubwanshi nomutende.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Yohane 14:1

“Imitima yenu yisakamikwa. Chetekeleni muli Lesa nakambi chetekeleni muli ne.

Loma 5:10

Fwebo twali utupondo utwaku Lesa, kuntu atulengele ifibusa fyakwe pamulandu wamfwa ya Mwana wakwe. Nomba ifi atulengele buchibusa na Lesa, twapulushiwa nobumi bwaku Klistu!

Yohane 20:21

Yesu asosele nabo nakambi ati, “Mutende ube namwebo. Ukubati nimfilya Bata bantumine, nandibo nkomutuma mwebo.”

Kolose 1:20

Muli Klistu Lesa apingwile ukuwikishanya ifintu fyonse kuli Ye, ifyapanshi nefyakumulu. Lesa aletele umutende mumfwa ya Mwana wakwe pamutashi.

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

1 Kolinto 1:3

Lesa Bata na Bashikulu Yesu Klistu balokumushukisha nokumupela umutende.

Yohane 20:19

Kwatile ukuba ichungulo, pali mbulya bushiku bwakwamba ubwa Mulungu, ninshi nefiseko fyananda filiselwe umwalongene abakusambila pamulandu wakutina abakulu ba Bayuda. Yesu alishile nokwimakana mukati kabo. Elo asosele ati, “Umutende ube namwebo.”

2 Tesalonika 1:2

Lesa Bata na Bashikulufwe Yesu Klistu bamupele ubwanshi nomutende.

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Luka 2:14

“Umuchinshi ube kuli Lesa mumulu mwine, epo nomutende panonshi mubantu abo atemwa!”

Luka 1:79

Akubasanikila bonse abayikala mumfinshi namuchintelelwe chamfwa, ukulangilila munshila yabwanalale.”

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

Imilimo ya batumwa 18:9

Ubushiku bumo Bashikulu bayishile kuli Paulo muchibonwa nokumweba ati, “Wilokutinapo, twalilila bwaka ukusambisha. Wilekapo iyowo

Mateyo 10:26

“Kanshi mulokutinapo bantu. Pantu tapapo akantu akafimbwa akatakafisuluke, nangula ichamubumfisolo ichitakeshibikwe.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.

Ukufisulula 1:4

Nine Yohane nkolembela ifilonganino fisano na fibili ifyamuchalo cha Asiya. Ubwanshi nomutende ukufuma kuli Lesa, uyo uulipo, uwalipo nakambi uwakubako. Imipashi isano na ibili iyaikala pantanshi yachipuna chakwe ichamuchinshi, imushukishe nokumupela umutende.

Hebele 7:2

Abulahamu alimupelepo chimo chapekumi palifyonse ifyo apokele. (Ubupilibulo bwakutatikilapo ubwe shina lya Melikisedeki bwakuti, “Imfumu yaku Salemu,” emukuti, “Imfumu ya Mutende.”)

Yohane 20:26

Nomba papitilepo ishiku shisano nashitatu. Abakusambila baku Yesu bali munanda mwenka mulya nakambi, na Tomasi emo ali. Ifiseko fyaliselwe. Yesu ayimakene pakati kabo nokusosa ati, “Mutende ube namwebo.”

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Galatiya 6:16

Lesa abapele umutende nokubakwatila inkumbu bonse abakonka ukusambisha nku, ebantu bonse abaku Lesa.

Luka 10:5

Elo munanda yonse iyo mwayinjilamo musose ati, ‘Umutende ube muli njino nanda.’

Kolose 1:2

Namulembela mwe bantu baku Lesa bayikala mu Kolose, mwe bawesu abachetekela muli Klistu. Lesa Bata amukwatile ubwanshi nokumupela umutende.

Luka 12:4

“Nkomweba mwe fibusa fyanji ati, mwitinapo bo abepaya umubili bwaka kuntu panuma takupo chimbi icho bengachitapo.