Yohane 14:26 - Chipangano Chabwangu

²⁶ Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

Yohane 14:26 ပူးပေါင်းရင်းမြစ်များ

Mateyo 1:18

Ukufyalwa kwaku Yesu Klistu kwali mfi: Maliya banyina balayilwe kuli Yosefe uwafumine kumukowa wakwa Davide. Nomba ulo tabalakumana pamo, Maliya alisangilwe ali nefumo ukupitila mu Mupashi Wabuta.

Mateyo 1:20

Ulo achili akolanguluka mfi, boneni umungelo waku Bashikulu alimubwenekele muchoshi nokusosa ati, “Yosefe, we mwana wakwa Davide, witina ukubula Maliya ukuti abe umukashi obe pakuti ifumo akwete lyakupitila mu Mupashi Wabuta.

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Maliko 12:36

Kambi umwine Davide ulo asanikilwe no Mupashi Wabuta alisosele mwibuku lya Malumbo ati, ‘Bashikulu baebele Bashikulu wanji ati, ikala kukuboko kwanji ukwamulyo, ukufikila mbike utupondo tobe ukuti tube ichakunyantapo amakasa obe.’

Maliko 13:11

Ulo balikumwikata nokumutwala mukumulubulwisha, mwilokusakamanapo ifyakuya mukusosa. Mwakuya mukusosa bwaka ifyo mwalangililwa panshita yenka njilya, pantu te mwebopo mwalikusosa iyowo, kuntu Mupashi Wabuta ewalikusosa.

Luka 1:15

Pantu akuba umuntu umuchindami pachinso chaku Bashikulu. Takanwepo waini nangula ifyakukola, ukufumina kukufyalwa kwakwe ifiso fya Mupashi Wabuta fyakuba pali Ye.

Luka 1:35

Umungelo amwasukile ati, “Umupashi Wabuta wakwisa pali webo, nefiso fyaku Lesa uwapulamo fyakwisa pali we. Efyo umwana uwakufyalwa akoyisa kwitwa, Umwana waku Lesa.

Luka 1:41

Ulo Elisabeti aumfwile umutende wakwa Maliya, umwana alisakene mwifumo lyakwe. Elo Elisabeti ayiwile no Mupashi Wabuta,

Luka 1:67

Sekaliya, wishi wakwa Yohane, ayiwile no Mupashi Wabuta, aliloseshe ati,

Luka 11:13

Nomba nga mwebo mwe babi mfi mwalishiba ukopela abana benu ifiweme, mba Bawishinwe aba mumulu kuti bafilwa shani kupela Umupashi Wabuta kuli bo abakomulomba!”

Luka 2:25

Boneni mu Yelusalemu mwali umuntu uwali kwitwa Simyoni, umuntu uwaololoka uwalikumfwila Lesa. Alikulindilila ichakupulusha Isilaeli. Umupashi Wabuta wali pali ye.

Luka 24:49

Nebo nakumutumina icho Bata bamulaya. Nomba mulingile ukulindilila mumusumba muno ukufikila ulo ifiso fyakwisa pali mwe ukufuma kumulu.”

Luka 3:22

no Mupashi Wabuta wayikele pali Ye, uwapalile ukubati ninkunda. Neshiwi lyafumine kumulu ati, “Webo uli mwana wanji uwatemwekwa, muli webo nkosekelela.”

Yohane 1:33

Nangu chali mfi, nebo nshamwishibilepo ati eye. Nomba Lesa, uwantumine ukubatisha namenshi, ewasosele kuli nebo ati, ‘Ulo wakwisa kubona Mupashi Wabuta ukufuma kumulu nokwikala pamuntu, ngu eye uwakwisa mukubatisha no Mupashi Wabuta.’

Yohane 12:16

Abakusambila bakwe tabaumfwilepo ukupilibula kwa mashiwi nga pali njilya nshita kufikila ulo Yesu abukile mubuleme. Elo bayibukishe ukuti nchi echo amashiwi alembelwe Mumalembo Apatulika alikulabila ishapali Ye.

Yohane 14:16

Elo nakuya kufumba Bata, epo bakoya kumupa kafwa umbi, uwakwikalilila namwe lonse.

Yohane 14:25

“Nebo namweba mfi ulo nchili pamo namwe.

Yohane 15:26

“Kafwa akwisa, e Mupashi Wabuta, uwo nakutuma kuli mwe ukufuma kuli Bata. Ewakuba mwanamboni wanji.

Yohane 16:7

Nachine nkomweba ati, kuli mwebo chiweme ukuti mfumepo mpano, pakuba nga nshifuminepo, Umwafwilishi tayise kuli mwebo. Nomba nga naya, nakumutuma kuli mwe.

Yohane 2:22

Ulo abukile kumfwa, abakusambila bakwe balibukishe ati mfi efyo alikusosa. Epo balichetekele ifya Mumalembo nefyasosele Yesu fyonse.

Yohane 20:22

Ulo Yesu asosele mfi, alibapemene nokusosa ati, “Pokeleleni Umupashi Wabuta.

Yohane 6:45

Abasoseshi balembele ati, ‘Abantu bonse bakwisa kusambilishiwa na Lesa.’ Uyo onse uukoumfwa ifyaku Bata nokusambilila kuli Ye ewisa kuli nebo.

Yohane 7:39

Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Imilimo ya batumwa 1:2

ukufikila akasuba apintilwemo kumulu. Ulo tangapintwa kumulu, Yesu abalile akonkobesha, nefiso fya Mupashi Wabuta, abantu abo asalile ukuba abatumwa bakwe.

Imilimo ya batumwa 1:4

Ulo Yesu ali nabo pamo, alibakonkobeshe ati, “Mwifumamo mu Yelusalemu iyowo, kuntu mulindile ichabupe icho Bata bamulayile ukubati nimfilya namwebele kale.

Imilimo ya batumwa 1:8

Nomba ulo Mupashi Wabuta wakwisa palimwe, nachine mwakukwata ifiso ifyakuba bakamboni banji mu Yelusalemu, mu Yudeya monse, pamo namu Samaliya, kufikila nakumpelo yachalo chonse.”

Imilimo ya batumwa 11:16

Elo nayibukishe ifyo Bashikulu basosele ati, ‘Yohane alikubatisha namenshi bwaka, kuntu mwebo mwakubatishiwa no Mupashi Wabuta.’

Imilimo ya batumwa 13:2

Pakasuba kamo ulo balikulomba kuli Lesa nokuyikanya ukulya, Umupashi Wabuta walibebele ati, “Mpatwileniko Banabasi na Saulo pakuti balokupyunga umulimo uwo nabetile.”

Imilimo ya batumwa 13:4

Ulo Banabasi na Saulo batuminwe no Mupashi Wabuta, bayile ku Selukiya nokupatama mubwato, nokuya ku Saipulasi.

Imilimo ya batumwa 15:28

Pakuti Umupashi Wabuta ewatutangilile mukusuminishanya ukuti twilundapo fimbi pali mwe, kuntu amafunde nga enka ayalinga:

Imilimo ya batumwa 15:8

Elo Lesa uwayishiba imitima yabantu, ayilangile ukuti abenafyalo nabo alabapokelela ulo abapela Mupashi Wabuta ukubati nimfilya aupele kuli fwebo.

Imilimo ya batumwa 16:6

Elo bapitile muchalo cha Fuligiya namu Galatiya pantu Umupashi Wabuta tawabasuminishepo ukubilisha Ubutumi Bwawama muchalo cha Asiya.

Imilimo ya batumwa 2:33

Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.

Imilimo ya batumwa 2:4

Elo bonse bayiwile no Mupashi Wabuta. Batatikile nokusosa mundimi ishapusana-pusana kubati ifyo Mupashi afwayile ukuti balokusoselamo.

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 20:35

Nalimulangilila muli fyonse ukuti mukupyungisha nefiso tufwile ukwafwa bo abatakwetepo ifiso. Ulo tulechita mfi, tufwile kwibukisha amashiwi aku Bashikulu Yesu uwasosele umwine ati, ‘Mukupela emwaba ishuko ukuchila mukupokelela.’”

Imilimo ya batumwa 28:25

Elo abantu mba bali abapusana mukuchetekela kwabo, ukufuma apo Paulo asosele amashiwi amo ayakuti, “Nachine Umupashi Wabuta walilungamikile ulo asosele kufikolwe fyesu ukupitila mumusoseshi Esaya

Imilimo ya batumwa 5:3

Elo Petulo alimufumbile ati, “Webo Ananiyasi, chindo icho Satana akutunkile mumutima obe ukubepa Umupashi Wabuta pakufisapo indalama shimbi isho wasangile mwibala lyobe?

Imilimo ya batumwa 7:51

Elo Sitefano asosele ati, “Mwe bachitomfwa! Mwe bankoma amatwi, mwe batomfwa mashiwi aku Lesa! Muli ukubati fikolwe fyenu, mulakana Umupashi Wabuta.

Imilimo ya batumwa 7:55

Nomba Sitefano, uwayiwule no Mupashi Wabuta, aloleshe kumulu nokubona umuchinshi waku Lesa, elo na Yesu alimakene kumulyo waku Lesa.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

Loma 5:5

Ukulindila nako kulatukoselesha pantu twalishiba ukuti Lesa aatutemwa ukwinekantu ukupitila mu Mupashi Wabuta uwo atupela.

1 Kolinto 12:3

Echo umuntu onse uukotungululwa no Mupashi Wabuta tangasosapo ati, “Yesu alapishiwe.” Elo tapapo uungasosa ati, “Yesu ni Shikulu,” uutatungululwapo no Mupashi Wabuta.

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

2 Kolinto 6:6

Nakambi tulayilanga ukuti tuli bapyungi baku Lesa mukuba abapatulika, mukwishiba ifintu ukufikapo, mukushipikisha, munkumbu, mu Mupashi Wabuta namukutemwa ukufikapo.

Efeso 1:13

Elo namwebo, ulo mwaumfwile amashiwi ayachine, Ebutumi Bwawama ubwamupulushishe, mwalichetekele Klistu. Echo Lesa abikile ichishibilo pali mwebo ukushininkisha ukwebati muli bantu bakwe ulo amupele Umupashi Wabuta uwo amulayile.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

Efeso 4:30

Elo mwiumfwishapo ubulanda Umupashi Wabuta uwaku Lesa pakuti echishibilo chenu ukuti mwebo muli baku Lesa pabushiku ubo Lesa akupulusha abantu.

1 Tesalonika 4:8

Ekuti uyo onse uulengulula ukusambisha nku, takolengululapo muntu iyowo, kuntu Lesa uutupela Umupashi Wabuta.

2 Timoti 1:14

Ulame bwino ifiweme ifyapelwe kuli webo ukufuma ku Mupashi Wabuta uwaba muli webo.

Taitasi 3:5

alitulubwile. Tepamulandu iyamilimo iiweme iyo twachitile iyowo, kuntu nimunkumbu shakwe. Alitulubula pakutusamba ukutupela ukufyalwa kwabwangu nobumi bwabwangu ukupitila mu Mupashi Wabuta.

Hebele 10:15

Elo no Mupashi Wabuta ulatupela bukamboni pali mfi. Pakutatika asosele ati,

Hebele 2:4

Lesa naye alikushininkisha bukamboni bwabo ukupitila mukuchita ifintu ifikulu nefyakushimbwisha ifipusene-pusene. Elo alibaakenye ifyabupe ifya Mupashi Wabuta ukulingana nokufwaya kwakwe.

Hebele 3:7

Nomba kubati nimfilya Umupashi Wabuta ukososa ati, “Lelo nduno nga mwaumfwa amashiwi aku Lesa,

Hebele 9:8

Munshila yenka nji Umupashi Wabuta ukosambisha ukuti tapapo inshita imbi iyakwinjililapo Muchifulo Ichabutisha nga Ichifulo Chabuta epo chili.

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.

2 Petulo 1:21

Pakuba amashiwi aabasoseshi tayishilepo mukufwaya kwamuntu iyowo, kuntu Mupashi Wabuta alilengele ukuti basose amashiwi aafumine kuli Lesa.

1 Yohane 2:20

Nomba mwebo Klistu amusubile no Mupashi Wabuta, echo mulishibile ifintu fyonse.

1 Yohane 2:27

Lelo mwebo Klistu alimusuba no Mupashi Wabuta uyo uwayikala muli mwe. Pamulandu waku nchi, takufwayikapo umuntu nangu umo ukuti amusambishe. Umupashi Wabuta uyo mwasubwa wakulamusambisha fyonse. Fyonse ifyo akomusambisha fyachine nakambi tamuli ifyabufi iyowo. Echo kubati nimfilya amusambishe, mwikalilile muli Klistu.

1 Yohane 5:7

Kwaba bakamboni batatu:

Yuda 1:20

Nomba mwebo mwe bananji, mutwalilileni ukuyimaka mwenka muchichetekelo chenu ichabuta. Lombeni mufiso ifyaku Mupashi Wabuta.

Ukufisulula 2:11

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, tayakamukumyeko imfwa yachibili.