Yohane 14:24 - Chipangano Chabwangu

²⁴ Muntu onse uutantemwa talamapo amashiwi anji. Nakambi amashiwi ayo mumfwa te anjipo, kuntu afuma kuli Bata abantuma.

Yohane 14:24 ပူးပေါင်းရင်းမြစ်များ

Mateyo 19:21

Yesu amwasukile ati, “Kati ukofwaya ukuba uwapwililika, koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu. Elo wise unkonke.”

Yohane 14:10

Kanshi taukochetekelapo Filipo ukuti nebo ndi muli Bata na Bata bali muli nebo? Amashiwi awo nasosa kuli mwe tekuli nebopo akofuma. Bata abayikala muli nebo ebapyunga imilimo yabo muli ne.

Yohane 14:15

“Nga mwalintemwa mwakulama amafunde anji.

Yohane 14:25

“Nebo namweba mfi ulo nchili pamo namwe.

Yohane 3:11

Nachine nkokweba ati, fwebo tusosa icho twayishiba nokweba abantu icho twabona. Nomba takupo nangu umo muli mwe uukofwaya ukupokelela amashiwi esu.

Yohane 3:34

Uyo uwatumwa na Lesa eusosa amashiwi aku Lesa, pakuba Lesa alimupela Umupashi Wabuta ukufikapo.

Yohane 5:19

Yesu alibasukile abakulu ba Bayuda ati, “Nachine nkomweba ati, Umwana tachitapo kantu nangu kamo apaenka. Ye achita fyonse ifyo abona Bawishi bachita. Pakuti yonse imilimo achita Wishi, no Mwana naye alachita yenka njilya.

Yohane 5:38

Mwebo tamukosungapo amashiwi aku Bata mumitima yenu, pakuti tamukochetekelapo muli ye uwo atuma.

Yohane 7:16

Yesu alibasukile ati, “Ifyo nsambisha tefyanjipo kuntu fyafuma kuli Lesa uwantumine.

Yohane 7:28

Ulo Yesu alikusambisha munanda yaku Lesa mu Yelusalemu, alibilikishe ati, “Nachine mwalinjishiba nokwishiba uko nafuma? Nomba tanshayisa mukufwayapo kwanji. Nomba uyo uwantumine wakwebesha. Mwebo tamwamwishibapo iyowo.

Yohane 8:26

Ndikwete ifyakusosa ifinji, nefyakumupingula. Uyo uwantuma wakwebesha. Elo amashiwi onse awo naumfwile kuli Ye ewo nkososa kuchalo.”

Yohane 8:28

Pamulandu ngu, echo asosele kuli bo ati, “Ulo mwakwimya Umwana wa Muntu pamutashi mwakwishiba ati nine. Mwakwisa kwishiba ati nebo tanshichitapo akantu nangu kamo munsambu shanji, kuntu nchita bwaka ifyo Bata banjebele.

Yohane 8:38

Nebo nsosa ifintu ifyo nabona kuli Bata, namwebo muchita ifintu ifyo mwaumfwa kuli bawishinwe.”

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.