Yohane 14:23 - Chipangano Chabwangu

²³ Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 14:23 ပူးပေါင်းရင်းမြစ်များ

Yohane 10:30

Bata nandibo twaba umo bwaka.”

Yohane 14:15

“Nga mwalintemwa mwakulama amafunde anji.

Yohane 14:17

Ngu Mupashi uusambisha ifyakwebesha. Ichalo tachayise kumupokelela, pantu tabamubonapo nangu ukumwishiba. Nomba mwe mulimwishibile pantu ekala namwe nakambi ali muli mwe.

Yohane 14:21

“Uyo onse uupokelela amafunde anji nokualama, ewantemwa. Bata bakumutemwa umuntu onse uwantemwa, nandibo nakumutemwa nakambi nokuyifisulula nemwine kuli ye.”

Yohane 14:24

Muntu onse uutantemwa talamapo amashiwi anji. Nakambi amashiwi ayo mumfwa te anjipo, kuntu afuma kuli Bata abantuma.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Yohane 16:27

pantu Bata benka balimutemwa. Balimutemwa pakuti mwalintemwa nokunchetekela ukuti nafumine kuli Bo.

Yohane 6:56

Muntu onse uwakulya umubili wanji nokunwa umulopa wanji ewikala muli nebo nandibo muli ye.

Yohane 8:51

Nachine nkokweba ati, umuntu onse uwakumfwa ukusambisha kwanji takafwepo.”

Yohane 8:52

Abantu bamusoseshe ati, “Nomba twayishiba nachine ukuti alikwete umupashi uubi. Pantu Abulahamu alifwa, nabasoseshi balifwa, kuntu webo ukoeba ati uyo muntu uwakumfwa ukusambisha kobe takafwepo.

2 Kolinto 6:16

Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

1 Yohane 2:24

Nomba mwebo musunge fyonse mwaumfwile ukufuma pakutatika. Nga mfi fyayikalilila muli mwebo, ekwebati mwayikalilila muli Bata namu Mwana.

1 Yohane 2:5

Lelo uukonka amashiwi akwe engulya ukutemwa kwaku Lesa kwabamo ukwapwililika. Muli nji nshila, emo twishibila ukuti twaba pamo na Lesa.

1 Yohane 4:4

Mwe bana banji muli baku Lesa. Abasoseshi ababufi mwalibachimfya kale pakuti Umupashi uuli muli mwebo uli nefiso ukuchila uwo bakwata abamuno chalo.

1 Yohane 5:3

Pakuti ukutemwa Lesa kulama amafunde akwe, namafunde akwe tayakoselepo iyowo.

2 Yohane 1:6

Ukutemwa nku nkososa kwakuti tulame amafunde aku Lesa. Nga mfilya bonse mwaumfwile kale, ifunde ndi nkomulembela lyakuti mulokutemwana.

Ukufisulula 21:22

Tanshabwenepo inanda yaku Lesa mumusumba ngu pakuti Bashikulu Uwafiso fyonse no Mwana wambelele enanda yango.

Ukufisulula 21:3

Nalyumfwile amashiwi ayakulu ayalikufuma kumupando wabufumu ayalikusosa ati, “Nomba ichifulo chikalamo Lesa chili pakati kabantu. Lesa akwikala nabo, elo nabo bakuba abantu bakwe. Lesa umwine akwikala pamo nabo, nakambi akuba Lesa wabo.

Ukufisulula 22:3

Mumusumba ngu tamwakasangwemo akantu akali konse akatipwa na Lesa. Umupando uwaku Lesa nowa Mwana wambelele fyakuba muli ngu musumba. Elo abapyungi bakwe bakumupyungila.