Yohane 14:22 - Chipangano Chabwangu

²² Yuda, (tepo Yuda Isikaliyoti), asosele ati, “Bashikulu, mba chingaba shani ichakweba ati mwebo mwakuyifisulula mwebene kuli fwebo, kuntu te kuchalo?”

Yohane 14:22 ပူးပေါင်းရင်းမြစ်များ

Mateyo 10:3

Filipo na Batolomeyo, Tomasi na Mateyo uwamusonko, Yemusi mwana Alifeyo na Tadiyasi,

Maliko 3:18

na Andileya, na Filipo, na Batolomeyo, na Mateyo, na Tomasi, na Yemusi mwana Alifeyo, na Tadiyasi, na Simoni uwakwipakisha mufyachalo,

Luka 6:16

Yuda mwana Yemusi, na Yuda Isikaliyoti uwayembwile Yesu.

Yohane 3:4

Nikodemasi alimufumbile ati, “Mba muntu umukulu kuti afyalwa shani libili? Nachine tekuti enjilepo mwifumo lyakubanyina nokufyalwa nakambi!”

Yohane 3:9

Nikodemasi alimufumbile ati, “Nga nchi kuti chaba shani?”

Yohane 4:11

Umwanakashi asosele ati, “Mwe mfumu, tamukwetepo mbeketi, ichishima nacho chitali, mba nikwisa mwingafumya amenshi aabumi?

Yohane 6:52

Penkapo abakulu ba Bayuda batatikile ukutalikishanya bati, “Ngoyu muntu kuti atupela shani umubili wakwe ukuti tulye?”

Yohane 6:60

Abenji abamubakusambila bakwe ulo baumfwile nga mashiwi, basosele ati, “Nku kusambisha kwakosa ukwinekantu. Mba ninani uwingakumfwa?”

Imilimo ya batumwa 1:13

Ulo bayinjile mumushi, bayile munanda muchipinda chapamulu umo balikwikala. Mba niba Petulo, Yohane, Yemusi, Andileya, Filipo na Tomasi, Mateyo, Yemusi mwana Alifeyo na Simoni uwachinchila na Yuda mwana Yakobe umbi.

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.