Yohane 14:21 - Chipangano Chabwangu

²¹ “Uyo onse uupokelela amafunde anji nokualama, ewantemwa. Bata bakumutemwa umuntu onse uwantemwa, nandibo nakumutemwa nakambi nokuyifisulula nemwine kuli ye.”

Yohane 14:21 ပူးပေါင်းရင်းမြစ်များ

Luka 11:28

Nomba Yesu alimwasukile ati, “Ina, ukuchilapo abashuka nimbalya abakoumfwa amashiwi aku Lesa nokuasunga!”

Yohane 14:15

“Nga mwalintemwa mwakulama amafunde anji.

Yohane 14:18

“Ulo nakuya nebo, nshakamushe ukubati bana banshiwa. Nakubwela nakambi kuli mwe.

Yohane 15:14

Mwebo muli fibusa fyanji nga mukokonka amafunde anji.

Yohane 16:14

Akwisa kumpela ubuleme, pakuti ifyo akwisa fyakufuma kuli nebo.

Yohane 16:27

pantu Bata benka balimutemwa. Balimutemwa pakuti mwalintemwa nokunchetekela ukuti nafumine kuli Bo.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Imilimo ya batumwa 22:18

Nabwene Bashikulu bakonjeba ati, ‘Fumamo bwangu-bwangu mu Yelusalemu pantu abantu kuno tabakumfwile ifyo wakusambisha ifyaku nebo.’

2 Kolinto 12:8

Elo nalilombele Bashikulu imiku itatu ukuti bachifumye.

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

2 Timoti 4:22

Bashikulu babe namwebo bonse. Ubwanshi bwaku Lesa bube kuli mwebo bonse.

1 Yohane 2:5

Lelo uukonka amashiwi akwe engulya ukutemwa kwaku Lesa kwabamo ukwapwililika. Muli nji nshila, emo twishibila ukuti twaba pamo na Lesa.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Yohane 5:3

Pakuti ukutemwa Lesa kulama amafunde akwe, namafunde akwe tayakoselepo iyowo.

2 Yohane 1:6

Ukutemwa nku nkososa kwakuti tulame amafunde aku Lesa. Nga mfilya bonse mwaumfwile kale, ifunde ndi nkomulembela lyakuti mulokutemwana.

Ukufisulula 2:17

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, nakumupela mana aatabonekapo ukuti alye. Nakambi nakumupela ibwe ilitubile apalembwa ishina lyabwangu ilyayishibikwa bwaka kumwine uwakupokelela epela.

Ukufisulula 22:14

Abashuka nimbalya abasamfya imikanjo yabo ukuti basuminishiwe ukulyako ifitwalo fyaku chiti ichipela ubumi nokwinjila mumilyango yamusumba.

Ukufisulula 3:20

Boneni ndimakene pamulyango nokukonkosha. Nga umuntu aumfwa ishiwi lyanji nokwisulako ichiibi, nakwinjila munanda yakwe, elo nebo naye twakulila pamo.