Yohane 14:2 - Chipangano Chabwangu

² Munanda yaku Bata muli ififulo fyakwikalamo ifinji. Nga tachali mfi nga nalimwebele. Nkoya mukumuwamishisha ififulo.

Yohane 14:2 ပူးပေါင်းရင်းမြစ်များ

Luka 14:22

Ulo umupyungi abwelele, asosele ati, ‘Bashikulu, ifyo mwasosa filichitikilwe, nomba ichifulo eko chili umwakwikala nabambi.’

Yohane 13:33

Mwe bana banji, tanshayikalepo nenu inshita iitali. Mwakwisa kumfwayilila, kuntu nkomweba nomba ifyo na ebele intanjishi sha Bayuda ati, ‘Mwebo tekuti muyeko uko nebo nkoya.’

Yohane 13:36

Simoni Petulo afumbile Yesu ati, “Bashikulu, nikwisa uko mukoya?” Yesu alimwasukile ati, “Tekuti munkonkepo nomba uko nebo nkoya, panuma elo mwakwisa kunkonka.”

Yohane 14:28

Mwalyumfwa ifyo nasosele kuli mwe ati, ‘Nkoya nebo, kuntu nakubwela kuli mwe.’ Kati mwalintemwa, kuti mwasekelela pantu nkoya kuli Bata. Pakuba Bata bakulu ukuchila nebo.

Yohane 16:4

Nomba mfi namweba nebo ukuti ulo yakwisa inshita yabo iyakufichita mfi, mwakwibukisha ifyo mwebele. “Nshamwebelepo mfi fintu pakutatika pakuti nali pamo namwe.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Imilimo ya batumwa 9:16

Elo nebo nenka nakumulanga ifintu fyonse ali nokuchula pamulandu waku nebo.”

2 Kolinto 5:1

Imibili iyo tuli nayo ili kubati lusasa bwaka. Nomba tulishibile ukwebati ulo ulusasa ndu lwakonayika, twakuba munanda iyo Lesa alitupekanishisha kumulu. Inanda nji tayayimakilwepo neminwe yabantu, elo yamuyayaya.

1 Tesalonika 5:9

Pakuti Lesa tatusalile ukuti tuchule kubukali bwakwe, kuntu ukwebati tupuluke ukupitila muli Bashikulu Yesu Klistu.

Taitasi 1:2

nokubapela ukulindilila kwabumi butapwa. Lesa uutabepapo, alayile ubumi mbu ulo inshita tayilatatika.

Hebele 11:10

Pakuti Abulahamu alikulindila umushi umbi uwali nomufula uukosele. Walangulukilwe nokwimakwa na Lesa.

Hebele 13:14

Pakuti panonshi fwebo tatukwetepo umushi uwakwikalililamo iyowo, tukolindila umushi umbi uuli nokwisa.

Hebele 6:20

Yesu alitutangilile kale nokwinjilamo pamulandu wakufwebo. Ye ayilekuba Chipupila Mukulu uwanshiku shonse, uwamutundu wakwa Melikisedeki.

Hebele 9:8

Munshila yenka nji Umupashi Wabuta ukosambisha ukuti tapapo inshita imbi iyakwinjililapo Muchifulo Ichabutisha nga Ichifulo Chabuta epo chili.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 21:2

Elo nalibwene umusumba uwabuta, Yelusalemu wabwangu, ukoyika ukufuma kumulu kuli Lesa. Aliwamishiwe kubati ninabwinga ukolindila umulume wakwe.

Ukufisulula 3:12

Onse uwakuchimfya, nakumupanga ukuba ichitebe munanda yaku Lesa wanji, takafumemo iyowo. Pali ye nakulembapo ishina lyaku Lesa wanji nelyamusumba wanji, ekuti Yelusalemu wabwangu, ukafuma kumulu kuli Lesa wanji. Pali ye nakulembapo nakambi ishina lyanji ilyabwangu.

Ukufisulula 3:21

Onse uwakuchimfya nakumusuminisha ukwikala nandibo pamupando wanji uwabufumu, kubati nimfilya nachimfishe nokwikala na Bata pamupando wabufumu.