Yohane 14:16 - Chipangano Chabwangu

¹⁶ Elo nakuya kufumba Bata, epo bakoya kumupa kafwa umbi, uwakwikalilila namwe lonse.

Yohane 14:16 ပူးပေါင်းရင်းမြစ်များ

Mateyo 28:20

Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”

Yohane 14:14

Nga mwalomba akantu akali konse mwishina lyanji, nakuchita.

Yohane 14:18

“Ulo nakuya nebo, nshakamushe ukubati bana banshiwa. Nakubwela nakambi kuli mwe.

Yohane 14:26

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

Yohane 15:26

“Kafwa akwisa, e Mupashi Wabuta, uwo nakutuma kuli mwe ukufuma kuli Bata. Ewakuba mwanamboni wanji.

Yohane 16:22

Emfilya chili kuli mwe. Nomba muli nechikonko, kuntu nakwisa kumubona nakambi. Elo imitima yenu yakwisa kwiula nokusekelela. Echo ukusekelela kwenu tapapo nangu umo uukoyisa kukufumyako kuli mwe.

Yohane 17:15

Tanshikolombapo ukuti mubafumyemo muli nchino chalo iyowo, kuntu ukuti mubachingilile kumubi ngulya.

Yohane 17:20

“Nomba nshikolombelapo mba benka iyowo, kuntu nambalya abakwisa kuchetekela muli nebo ukupitila mumashiwi awo mba balikubilisha.

Yohane 4:14

kuntu onse uunwa amenshi nakumupa tayise kumfwapo chilaka nakambi. Amenshi awo nakumupa akwisa kuba muli ye akamfuku-mfuku nokumupela amenshi aabumi butapwa.”

Yohane 7:39

Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Imilimo ya batumwa 1:4

Ulo Yesu ali nabo pamo, alibakonkobeshe ati, “Mwifumamo mu Yelusalemu iyowo, kuntu mulindile ichabupe icho Bata bamulayile ukubati nimfilya namwebele kale.

Imilimo ya batumwa 13:52

Nomba abena Klistu abamu Antiyoki bayiwile Umupashi Wabuta nokusekelela.

Imilimo ya batumwa 9:31

Kunshita njilya ifilonganino ifyabena Klistu mumiputulwa yonse iyamu Yudeya, Galili namu Samaliya mwali umutende. Ukupitila mufiso fya Mupashi Wabuta, ifilonganino fyalikosele nempendwa yabantu yalikukula. Bonse balikunakila Bashikulu.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 5:5

Ukulindila nako kulatukoselesha pantu twalishiba ukuti Lesa aatutemwa ukwinekantu ukupitila mu Mupashi Wabuta uwo atupela.

Loma 8:34

Mba ninani wakubalengulula? Tefyopo Klistu uwafwile, ina, tusose ukuti uyo babushishe. Engulya umumi uli kukuboko ukwamulyo kwaku Lesa akotupapatilako.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Filipi 2:1

Ubumi bwenu muli Klistu bulamukoselesha. Ukutemwa kwakwe kulamusekelesha. Muli nomutima umo mu Mupashi Wabuta. Echo mulomfwila abanenu inkumbu nechisa.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

Hebele 7:25

Pamulandu wakwe engapulusha bo abesa mupepi na Lesa ukupitila muli Ye, pakuti ngu ali nobumi inshita shonse ukuti abalombele.

1 Yohane 2:1

Mwe bana banji, nkomulembela mfi ukuti mulokubifyapo. Lelo nga umo abifya, tulikwete kafwa utulubulwilako kuli Shifwe, ni Yesu Klistu uulungeme.

1 Yohane 2:27

Lelo mwebo Klistu alimusuba no Mupashi Wabuta uyo uwayikala muli mwe. Pamulandu waku nchi, takufwayikapo umuntu nangu umo ukuti amusambishe. Umupashi Wabuta uyo mwasubwa wakulamusambisha fyonse. Fyonse ifyo akomusambisha fyachine nakambi tamuli ifyabufi iyowo. Echo kubati nimfilya amusambishe, mwikalilile muli Klistu.

2 Yohane 1:2

Tukomulembela mfi pantu ichine chaba muli fwebo nakambi chakuba nafwebo inshiku shonse.