Yohane 14:11 - Chipangano Chabwangu

¹¹ Nchetekeleni nebo ulo nsosa nati ndi muli Bata nakambi Bata nabo bali muli ne. Nga temfilya, chetekeleni pamulandu wamilimo iyo nchita.

Yohane 14:11 ပူးပေါင်းရင်းမြစ်များ

Yohane 10:25

Yesu alibasukile ati, “Ndimubushishe kale, kuntu tamukochetekelapo. Imilimo iyo nchita mwishina lyaku Bata, eyimfisulula.

Yohane 10:32

Elo Yesu asosele ati, “Nebo nchitile imilimo iinji iyawama pamenso enu iyo Bata bampele ukuchita. Pali nji yonse, mba niwisa uwo mukofwayilapo ukundashilapo amabwe?”

Yohane 10:38

Nomba nga nkoyichita, nangu kati tamukonchetekelapo, chetekeleni milimo iyo nkobomba. Elo mwakwishiba ukuti Bata baba muli nebo, nandibo naba muli Bata.”

Yohane 14:10

Kanshi taukochetekelapo Filipo ukuti nebo ndi muli Bata na Bata bali muli nebo? Amashiwi awo nasosa kuli mwe tekuli nebopo akofuma. Bata abayikala muli nebo ebapyunga imilimo yabo muli ne.

Yohane 14:20

Ulo nkalya kasuba kakwisa, mwakwisa kwishiba ukuti ndi muli Bata namwebo muli nebo ukubati nimfilya nandibo naba muli mwe.

Yohane 5:36

Nomba ndikwete bukamboni ubukulu ukuchila ubo Yohane Mubatishi amupele. Boneni nebo nkobomba imilimo iyo Bata bampele. Nji milimo eyilanga ukwebati Bata ebantumine.

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

Hebele 2:4

Lesa naye alikushininkisha bukamboni bwabo ukupitila mukuchita ifintu ifikulu nefyakushimbwisha ifipusene-pusene. Elo alibaakenye ifyabupe ifya Mupashi Wabuta ukulingana nokufwaya kwakwe.