Yohane 13:5 - Chipangano Chabwangu

⁵ Elo ayitile amenshi mwibeseni nokutendeka ukusamfya amakasa abakusambila bakwe nokubasumuna kunsalu iyo apombele mumusana wakwe.

Yohane 13:5 ပူးပေါင်းရင်းမြစ်များ

Luka 7:38

Alishile nokwimakana kunuma yaku Yesu kumakasa, akolila nokuponya iminsoshi pamakasa aku Yesu. Elo nokuasumuna nemishishi yakwe. Nakambi alifyomfyontele amakasa aku Yesu nokuasuba namafuta.

Luka 7:44

Elo ayalukile kumwanakashi nokusosa kuli Simoni ati, “Ulimubwene ngu mwanakashi? Nyinjile munanda yobe, kuntu taumpelepo amenshi yakusamba amakasa anji. Nomba ye anasha amakasa anji neminsoshi yakwe nokuasumuna nemishishi yakwe.

Yohane 13:10

Yesu asosele ati, “Muntu onse uwasamba kale aba uwawamikwa. Mba nindo angasambila nakambi, kuntu kusamba bwaka kumakasa akwe. Mwebo bonse muliwamikilwe, kuntu temwepo bonse iyowo.” (

Yohane 13:6

Ulo ayishile kuli Simoni Petulo, naye asosele kuli Yesu ati, “Bashikulu, napo nimwe munga samfya amakasa anji?”

Yohane 13:8

Petulo alikaninine ndi ati, “Nangu chibe shani nebo tamwasamfyepo amakasa anji!” Yesu alimwasukile ati, “Nga nebo tanshakusamfyepo amakasa obe, tawabepo uwakusambila wanji.”

Yohane 19:34

Nomba umushilikali umo amulashile muchitumba kumukondo. Penkapo umulopa waliswile namenshi.

Imilimo ya batumwa 22:16

Nomba chindo icho ukolindila? Ima nokubatishiwa ukuti usambe amabifyo obe elo wite peshina lyaku Bashikulu.’

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

Efeso 5:26

ukwebati achibutishe. Achibutishe pakuchisamfya namenshi, elo namashiwi aakwe.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

Hebele 10:22

Echo katupalamine kuli Lesa nemitima iyachine nechichetekelo ichinenene. Imitima Yesu iwamishiwe ukwambula akalema nemibili Yesu isambwe namenshi ayabuta.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.

1 Yohane 5:6

Yesu Klistu ewayishile ukupitila mumenshi aalubatisho nomulopa wamfwa yakwe. Tayishilepo mumenshi bwaka, kuntu mumenshi namumulopa wakwe. Mupashi Wabuta ekamboni pantu wachishinka.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 7:14

Nebo nayaswike ati, “Bashikulu mwe mwishibe nimwebo.” Elo anjebele ati, “Mba ebali mumachushi aakulu ngalya. Balichapa iminjila yabo nokuyitubisha mumulopa wa Mwana wambelele.