Yohane 13:31 - Chipangano Chabwangu

³¹ Panuma ulo Yuda ayile, Yesu asosele ati, “Nomba Mwana wa Muntu wachinshikwa, nomba Lesa naye achinshikilwa muli Ye.

Yohane 13:31 ပူးပေါင်းရင်းမြစ်များ

Mateyo 8:20

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Luka 12:50

Ndi nokupokelela ulubatisho lyabuchushi. Echo ndi nechikonko ukufikila apo nchi chakupita!

Yohane 11:4

Ulo Yesu aumfwile, asosele ati, “Ukulwalapo nku takuli kwamfwa iyowo. Nchi chachitika ukuti chilete ubuleme kuli Lesa. Pamulandu wabulwele mbu Umwana waku Lesa akupokelelamo ubuleme.”

Yohane 12:23

Naye Yesu alibasukile ati, “Inshita nomba yafika iyakuti Mwana wa Muntu apelwe ubuleme.

Yohane 12:28

Bata chinshikeni ishina lyenu!” Neshiwi lyafumine kumulu lyasosele ati, “Nebo ndilichinshikile kale, nakambi nakulichinshika.”

Yohane 14:13

Elo nakwisa kuchita fyonse ifyo mwakwisa kulomba mwishina lyanji ukuti Bata bachinshikilwe mu Mwana wabo.

Yohane 16:14

Akwisa kumpela ubuleme, pakuti ifyo akwisa fyakufuma kuli nebo.

Yohane 7:39

Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Imilimo ya batumwa 2:36

“Kanshi mwe bena Isilaeli bonse mwishibe nchi ichakuti ngu Yesu uwo mwebo mwasamikile pamutashi, eye Lesa achita Imfumu no Wasubwa!”

Imilimo ya batumwa 3:13

Mukuchita mfi Lesa waku Abulahamu, Isake na Yakobe, Lesa wafikolwe fyesu, ewachindamika umupyungi wakwe Yesu. Mwebo mwalimuposele kufipondo fyakwe. Elo mwalimukene napa menso yakwa Pilato panshita Pilato alikufwaya ukumukakula.

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

Efeso 1:12

Afwayile ukuti fwebo fwe bakutatika ukuchetekela muli Klistu, tuchinshike ubuleme bwakwe.

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Efeso 3:10

Elo Lesa akubomfya ichilonganino mukubwenesha ifiso nensambu shakwe kufyakumulu ukwebati fishibe ati, ali nomulangwe uupusene-pusene.

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

1 Petulo 2:12

Muchenjele nefyo mwikala nabantu abatachetekela, ichakuti nangu basose ati imilimo yenu mibi, kuntu babone ukuti iiweme. Elo bakuchinshika Lesa pakasuba ako akwishilamo.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!