Yohane 13:3 - Chipangano Chabwangu

³ Yesu alishibile ati Bawishi balimupele ifiso pafintu fyonse. Alishibile ukuti Ye afumine kuli Lesa nakambi akubwelela kuli Ye.

Yohane 13:3 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 13:1

Nomba kwashele akasuba kamo kutalafika ukulya kwa Chakulya Chakuchilila. Yesu alishibile ukuti inshita yafika iyakufuma muli nchino chalo nokuya kuli Bawishi. Atemenwe abantu bakwe lonse abali muno chalo. Alibatemenwe ukufikila nakumupwilo.

Yohane 17:2

Ukubati nimulya mwamupela insambu pabantu bonse, ukuti bonse abo mwamupela abapele ubumi butashila.

Yohane 3:13

Elo takupo umuntu uwanina kumulu, kuntu Umwana wa Muntu, uyo uwafumineko.”

Yohane 3:35

Bawishi balimutemwesha Umwana wabo. Echo balibika ifintu fyonse mufiso fyakwe.

Yohane 7:29

Nebo nalimwishiba pakuti nafumine kuli Ye nakambi ewantuma.”

Yohane 7:33

Nomba Yesu asosele ati, “Nakuba nenu pakanshita kanini bwaka, elo nakubwelela kuli Ye uwantumine.

Yohane 8:14

Yesu alibasukile ati, “Nangu kati nkoyisosela ifyanji nemwine, bukamboni bwanji bwakwebesha pantu nalishiba uko nafuma nakambi noko nkoya. Nomba mwebo tamwishibilepo uko nafuma noko nkoya.

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.

Imilimo ya batumwa 2:36

“Kanshi mwe bena Isilaeli bonse mwishibe nchi ichakuti ngu Yesu uwo mwebo mwasamikile pamutashi, eye Lesa achita Imfumu no Wasubwa!”

1 Kolinto 15:27

Amalembo akososa ati, “Lesa abikile ifintu fyonse panshi yamakasa akwe.” Ulo asosa ati, “Ifintu fyonse,” talikusanshako na Lesa uwabikile ifintu fyonse panshi yamakasa aku Klistu.

Hebele 1:2

Nomba munshita shakupelako shino asosa nafwebo ukupitila mu Mwana wakwe. Muli Ye Lesa alengele ichalo, nakambi eye asalile uwakuba umwine wafintu fyonse.