Yohane 13:18 - Chipangano Chabwangu

¹⁸ “Nshikososapo ifyakumwebo bonse, nalibeshiba abo nebo nasala. Nomba Amalembo Apatulika alingile alanga ukwebesha aakoti, ‘Umuntu uyo uukolya pamo nandibo ewambukila.’

Yohane 13:18 ပူးပေါင်းရင်းမြစ်များ

Mateyo 10:36

Pakuba abalwani bamuntu bakuba benka abalupwa lwakwe.

Mateyo 26:21

Ulo bali pakulya, Yesu asosele ati, “Nkomweba ati, umunenu umo akonyembula.”

Mateyo 26:23

Naye asosele ati, “Uwo nkotobela nakwe pamo mumbale imo eukonyembula.

Maliko 14:17

Ati kube ichungulo, Yesu nabakusambila ikumi na babili bayile kuli njilya nanda.

Maliko 14:18

Ulo bali pakulya Yesu asosele ati, “Nkomweba ati, mwebo nkolya nenu, umunenu umo akonyembula.”

Maliko 14:20

Yesu abasukile ati, “Uukonyembula munenu umo uwabekumi na babili uwo nkotobela nakwe pamo mumbale imo yenka.

Luka 22:21

“Nomba, boneni! Uyu uukonyembula ali mpano petebulu pamo nandibo!

Yohane 13:21

Panuma ulo Yesu asosele mfi, alisunshikile ukwinekantu mumutima wakwe nokusosa ati, “Nachine nkomweba ati, umo umunenu akonyembula.”

Yohane 13:22

Abakusambila bakwe balilolenshenye. Elo balishimbilwe ukwinekantu nokuti, “Mba ninani uwo akososapo?”

Yohane 13:26

Yesu alimwasukile ati, “Uyo nkopela akasunwa kamufuba ako natobesha mumuto eye.” Elo abulile akasunwa kamufuba nokutobesha mumuto, nokupela kuli Yuda, mwana wakwa Simoni Isikaliyoti.

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 15:19

Nga mwali abamuchalo, ichalo nga chalimutemenwe ukubati abene. Nomba nebo nalimusalile ukufuma muchalo, tamuli nomba abamuli nchino chalo. Echo ichalo nomba chikomupatila.

Yohane 15:25

Mfi fikochitika ukubati nimulya amashiwi alembelwe mumafunde akoti, ‘Balimpatile ne uutakwetepo nomulandu!’

Yohane 17:12

Ulo nali nabo nalibasungile mwishina lyenu ndilya mwampele. Elo nalikubalama, tapapo nangu umo uwaku bo uwaonayikile, kuntu ngulya uwali nokonayika ukuti Amalembo afikilishiwe.

Yohane 18:32

Nchi chachitikile ukuti amashiwi aku Yesu afikilishiwe awo asosele nokulanga imfwa iyo aali nokufwilamo.)

Yohane 19:24

Elo abashilikali balisoshenye umo nomunakwe bati, “Mwilepulapo, kuntu tuchite bumwine-mano ukwebati twishibe uwakupoka ninani.” Nchi chalichitikile ukuti Amalembo afikilishiwe akoti, “Balyabene ifyakufwala fyanji, nokuchita bumwine-mano pamwinjila wanji.” Efyo bachitile abashilikali.

Yohane 19:36

Mfi fyalichitikilwe ukuti Amalembo afikilishiwe aakuti, “Talyayise kutobekapo ifupa lyakwe nangu limo iyowo.”

Yohane 21:17

Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.

Yohane 6:70

Yesu abasukile ati, “Napo tenepo namusalile mwe bakusambila ikumi na babili? Nomba umo uwakumwebo nimbifi!”

Imilimo ya batumwa 1:16

“Mwe bawesu, ifyalembwa Mumalembo ifyakwa Yuda fyali nokuchitika. Pakuti Mupashi Wabuta asosele ukupitila muli Davide pamulandu wakwa Yuda, uwatanjilile abantu abayikete Yesu.

Imilimo ya batumwa 1:2

ukufikila akasuba apintilwemo kumulu. Ulo tangapintwa kumulu, Yesu abalile akonkobesha, nefiso fya Mupashi Wabuta, abantu abo asalile ukuba abatumwa bakwe.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

Hebele 4:13

Tapapo akantu akafisamika pamenso yaku Lesa, kuntu fyonse fyabafye palwalala nokufisuluka kuli Ye. Elo kuli Ye tulingile ukuebelela ifyo twachitile.

Ukufisulula 2:23

Nakulofya abana bakwe. Elo ifilonganino fyonse fyakwishiba ukuti ninebo uwayishiba ifyamumitima namalangulushi yabantu. Echo nkalambula umuntu nomuntu pamilimo yakwe.