Yohane 13:1 - Chipangano Chabwangu

¹ Nomba kwashele akasuba kamo kutalafika ukulya kwa Chakulya Chakuchilila. Yesu alishibile ukuti inshita yafika iyakufuma muli nchino chalo nokuya kuli Bawishi. Atemenwe abantu bakwe lonse abali muno chalo. Alibatemenwe ukufikila nakumupwilo.

Yohane 13:1 ပူးပေါင်းရင်းမြစ်များ

Mateyo 26:45

Elo abwelelemo kubakusambila bakwe nokubeba ati, “Napo nanomba muchili mutulo nokutusha, bati? Boneni, Umwana wa Muntu akoposwa muminwe yabantu babipa.

Mateyo 28:20

Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”

Luka 22:53

Inshiku shonse nalikwikala namwebo nkosambisha munanda yaku Lesa, nokuti munjikatepo, yii. Nomba nji enshita yenu nakambi iyafiso fyamfishi.”

Luka 9:51

Ulo inshita yapalamine iyakuti Yesu apintilwemo ukuya kumulu, alangulukile ukuya kumusumba wa Yelusalemu.

Yohane 11:55

Ukulya kwa Bayuda ukwa Chakulya Chakuchilila kwalipalamine. Abantu abenji abafumine mumishi yonse iyapusana-pusana bayile ku Yelusalemu mukuyiwamya ukulya kutalafika.

Yohane 12:23

Naye Yesu alibasukile ati, “Inshita nomba yafika iyakuti Mwana wa Muntu apelwe ubuleme.

Yohane 13:29

Pakuti Yuda ewalikusunga itumba lyandalama, bambi abakusambila bakwe balangulukile ati nangula Yesu amweba ukuya kushita ifyali kufwayikwa pakulya nangula ukupelako fimo kubachula.

Yohane 13:3

Yesu alishibile ati Bawishi balimupele ifiso pafintu fyonse. Alishibile ukuti Ye afumine kuli Lesa nakambi akubwelela kuli Ye.

Yohane 13:34

Nomba nkomupela ifunde ilyabwangu ilyakuti mulokutemwana umo nomunakwe. Ukubati nimfilya nebo namutemwa, efyo mulingile ukutemwana.

Yohane 14:28

Mwalyumfwa ifyo nasosele kuli mwe ati, ‘Nkoya nebo, kuntu nakubwela kuli mwe.’ Kati mwalintemwa, kuti mwasekelela pantu nkoya kuli Bata. Pakuba Bata bakulu ukuchila nebo.

Yohane 14:31

Ichalo chikowamina ukwishiba ukuti nebo nalitemwa Bata, echo nchitila ifintu fyonse ukulingana nomo bansambishisha. “Imeni nomba, tulokuya.

Yohane 16:28

Nafumine kuli Bata, elo nalishile muchalo. Epo nkosha ichalo nokubwelela kuli Bata.”

Yohane 17:1

Ulo Yesu ashilile ukusosa amashiwi ngalya, aloleshe kumulu nokusosa ati, “Bata, inshita yafika. Chinshikeni Umwana wenu, ukuti naye amuchinshike.

Yohane 17:16

Tabali bamuchalo, ukubati nimfilya nandibo tanshilipo uwamuchalo.

Yohane 17:26

Nalibasambisha ukuti bamwishibe nakambi nshaleke ukuti ukutemwa uko mwantemenwe kube muli bo, nandibo muli bo.”

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Yohane 18:4

Pantu Yesu alishibile kabela ifikoyisa kumuchitikila, alibakumenye, abafumba ati, “Ninani mukofwaya?”

Yohane 19:28

Panuma ya mfi, Yesu alishibile ukuti fintu fyonse fyapwa, asosele ati, “Ndi nechilaka.” (Asosele mfi ukuti Amalembo afikilishiwe.)

Yohane 2:13

Inshita yakulya Chakulya Chakuchilila yalifikile, epo Yesu ayile ku Yelusalemu.

Yohane 6:4

Inshita iyo ukulya kwa Bayuda ukwa Chakulya Chakuchilila kwali apepi.

Yohane 7:30

Elo abantu bafwayile ukumwikata, kuntu tapalipo nangu umo uwamwikete pakuti inshita yakwe yali tayilafika.

Yohane 7:6

Elo Yesu ayasukile ati, “Inshita yanji tayilafika. Nomba kuli mwebo yonse inshita iilingile.

Yohane 8:20

Yesu asosele nga mashiwi ulo alikusambisha munanda yaku Lesa, muchipinda umwali amabokoshi ayakusungilamo indalama ishabupe. Elo takwalipo nangu umo uwafwayile ukumwikata pantu inshita yakwe yali tayilafika.

Loma 8:37

Muli mfi fyonse twaliba abachimfya pamulandu waku Klistu uwachitemweko chaku Lesa.

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Hebele 6:11

Tukofwayisha ukuti uuli onse muli mwebo apitilile ukubonekesha ukuchinchila nku ukushinta nakumupwilo, ukuti fikachitike ifyo mukolindila.

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

1 Yohane 4:19

Twalitemwa pakuti Lesa ewatatikile ukututemwa.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.