Yohane 12:31 - Chipangano Chabwangu

³¹ Nomba enshita yakupingulwa kwabantu banchino chalo, Satana kateka wanchino chalo, akutamfishiwa.

Yohane 12:31 ပူးပေါင်းရင်းမြစ်များ

Mateyo 12:28

Nomba nga ndatamfya imipashi iibi kufiso ifya Mupashi waku Lesa, ekwebati Ubufumu bwaku Lesa bulifikile pali mwebo.

Yohane 14:30

Tanshasosepo namwebo inshita iitali, pantu Satana, imfumu ya nchino chalo, ikoyisa. Nomba tayikwetepo ifiso fyakunchila.

Yohane 3:19

Ubupingushi ifyo bwaba nimfi, ukusanika kulishile muchalo, kuntu abantu batemwa imfinshi ukuchila ukusanika, pantu imilimo yabo iibi.

Yohane 9:39

Elo Yesu asosele ati, “Nayisa muno chalo mukupingula ukuti impofu shilokubona nakambi nambalya abakobona baaluke impofu.”

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

1 Kolinto 1:20

Nomba abamulangwe balikwisa? Nga abasambilila balikwisa? Nangula abachenjela mukutalikana ifyamuchalo balikwisa? Echo Lesa alitulanga ukuti umulangwe wabantu panonshi ulipuneme.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Kolose 2:15

Muli Klistu, Lesa afumishe ifiso ifyabakateka nabansambu bonse nokubalenga insoni palwalala ulo abalangile ukuchimfya kwakwe.

Hebele 2:14

Nomba pakusanga ukuti abana mba bantu abaminofu nomulopa, Yesu umwine alyalukile umuntu kubati nibo. Alichitile mfi ukuti ukupitila mumfwa yakwe onaule Kachenjeleka uyo uuli nefiso pamfwa.

1 Yohane 3:8

Uyo utwalilila ukubifya wakwa Satana, pantu Satana nimbifi ukutula kukutatika. Echo no Mwana waku Lesa abonekele ukuti aonaule imilimo yakwa Satana.

1 Yohane 4:4

Mwe bana banji muli baku Lesa. Abasoseshi ababufi mwalibachimfya kale pakuti Umupashi uuli muli mwebo uli nefiso ukuchila uwo bakwata abamuno chalo.

1 Yohane 5:19

Twalishiba ukuti fwebo tuli bana baku Lesa, nangu chalo chonse chaba muminwe ya Mubi.