Yohane 12:26 - Chipangano Chabwangu

²⁶ Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Yohane 12:26 ပူးပေါင်းရင်းမြစ်များ

Mateyo 16:24

Elo Yesu asosele kubakusambila bakwe ati, “Umuntu kati akofwaya ukunkonka ayikanye umwine nokupinta umutashi wakwe, elo ankonke.

Mateyo 25:21

Elo shikulu wakwe amwebele ati, ‘Wachita bwino wemupyungi uuweme nakambi uwachetekelwa. Pakuti waba wachine patunini, nomba nkokubika ukuba umukulu pafintu ifinji. Echo injila usekelele pamo nandibo ne shikulu obe.’

Maliko 8:34

Yesu ayitile ibumba lyabantu pamo nabakusambila bakwe. Asosele kuli bo ati, “Kati umuntu akofwaya ukunkonka, ayikanye umwine nokupinta umutashi wakwe, elo ankonke.

Luka 12:37

Mba bapyungi bakuba nokusekelela ulo shikulu wabo akwisa kubasanga bakololela nokuyiteyanya ulo abwela! Nachine nkomweba ati, akwisa ukufulako ikoti lyakwe lyamuchinshi nokubekalika ukuti abatebete.

Luka 6:46

“Nindo mukonjitila mwati, ‘Bashikulu, Bashikulu,’ ukwambula ukuchita ifyo nkososa?

Luka 9:23

Yesu aebele nakambi bonse ati, “Umuntu kati akofwaya ukunkonka, ayikane umwine nokupinta umutashi wakwe lonse, elo ankonke.

Yohane 10:27

Mbelele shanji shilomfwa ishiwi lyanji, nandibo nalishishiba, nasho shilankonka.

Yohane 13:16

Nachine nkomweba ati, takupo umusha uwachila wishikulu wakwe, nangu intumi ukuchila uyo uwamutumine.

Yohane 14:15

“Nga mwalintemwa mwakulama amafunde anji.

Yohane 14:3

Panuma yakumuwamishisha ififulo, nakubwela nakambi ukuti njise mutwale uko ndi ukwebati uko njikala namwe eko mukekale.

Yohane 15:20

Ibukileni ifyo nasosele namwe ukuti, ‘Umusha tali umukulu ukuchila shikulu wakwe!’ Nga balinchushishe nebo, epo bakumuchusha namwe kumo. Nga basungile ukusambisha kwanji, elo bakusunga nokusambisha kwenu.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Yohane 21:22

Yesu alimwasukile ati, “Kati nebo nkofwaya ukuti ekalilile ukufikila apo nakubwelela, ngechi chindo kuli webo? Nkonka nebo epela!”

Loma 1:1

Nine Paulo, umupyungi waku Klistu Yesu. Lesa alinjitile ukuti mbe umutumwa. Alinsalile ukwebati mbilishe Ubutumi bwakwe Bwawama.

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

2 Kolinto 5:8

Ina, tukoshipikisha, nomba icho tufwayisha chakuti tufume mumubili nguno nokuba nowaku Bashikulu.

Galatiya 1:10

Ulo nkososa mfi, napo nkofwaya ukulumbanishiwa kubantu? Nangu panini, kuntu Lesa bwaka. Napo nkofwaya ukusekesha abantu? Iyowo, nga nalikufwaya ukuchita mfi, tekuti mbepo umupyungi waku Klistu.

Filipi 1:23

Natanganikwa. Nkofwaya ukufuma muli nchino chalo nokuya kwikala pamo na Klistu pakuba nchi echingansekesha ukwinekantu.

Kolose 3:24

Mulokwibukisha ukuti Bashikulu bakumulambula fyonse ifyo balayile abantu babo. Muli fyonse mfi ni Klistu Bashikulu benu epela ebo mupyungila.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

1 Yohane 5:3

Pakuti ukutemwa Lesa kulama amafunde akwe, namafunde akwe tayakoselepo iyowo.

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.

Ukufisulula 14:4

Mba ebayilamine, abatayibifishepo nabanakashi, abatayishibapo umwalalume. Balakonka Umwana wambelele konse aya. Mba balipulushiwa pakati kabantu ukuti babe abakwamba ukupelwa kuli Lesa naku Mwana wambelele.