Yohane 11:55 - Chipangano Chabwangu

⁵⁵ Ukulya kwa Bayuda ukwa Chakulya Chakuchilila kwalipalamine. Abantu abenji abafumine mumishi yonse iyapusana-pusana bayile ku Yelusalemu mukuyiwamya ukulya kutalafika.

Yohane 11:55 ပူးပေါင်းရင်းမြစ်များ

Mateyo 26:1

Ulo Yesu ashilile ukulabila amashiwi onse nga, asosele kubakusambila bakwe ati,

Mateyo 26:2

“Mulishibile ukwebati kwashala inshiku shibili ukuti akasuba kakulu ka Chakulya Chakuchilila kafike, elo Umwana wa Muntu akupelwa ukuti asamikwe pamutashi.”

Maliko 14:1

Kwashele bwaka inshiku shibili kunshiku-nkulu ya Chakulya Chakuchilila nakunshiku-nkulu iyakulyamo Imifuba Iitatutumuka. Intungulushi shabachipupila nabasambishi ba Mafunde akwa Mosesi balikufwayilisha inshila yakwikatilamo Yesu mubumfinshi ukwebati bamwipaye.

Luka 22:1

Nomba inshita yalipalamine iya Kasuba kakulu akakulya Imifuba Iitatutumuka iyalikwitwa Chakulya Chakuchilila.

Yohane 12:1

Kwasheleko bwaka inshiku shisano nabumo kutalayisa ukulya Chakulya Chakuchilila, Yesu ayishile kumushi wa Betaniya, umushi umo umwalikwikalamo Lasalo uyo Yesu abushishe kubafwa.

Yohane 13:1

Nomba kwashele akasuba kamo kutalafika ukulya kwa Chakulya Chakuchilila. Yesu alishibile ukuti inshita yafika iyakufuma muli nchino chalo nokuya kuli Bawishi. Atemenwe abantu bakwe lonse abali muno chalo. Alibatemenwe ukufikila nakumupwilo.

Yohane 18:28

Ulo bwachele batwite Yesu ukufuma kunanda kuli Kayafasi nokumutwala kuli Pilato, kateka wabena Loma. Elo abakulu nabo balikutina ukwinjilamo munanda yabupingushi pantu balikutina ukuyikowesha icho balimupepi nokulya Chakulya Chakuchilila.

Yohane 2:13

Inshita yakulya Chakulya Chakuchilila yalifikile, epo Yesu ayile ku Yelusalemu.

Yohane 2:6

Abayuda baliba nakafuto kakusamba ukuti babe abasangululwa. Echo kwali imitondo iikulu yamabwe isano na umo iyamenshi, ubukulu bwayiko muli umo nangula kuti mwayinjila amatepe asano, nangula ukuchilapo.

Yohane 5:1

Panuma yamfi, Yesu ayile ku Yelusalemu ukwali ubushiku ubukulu bwa Bayuda.

Yohane 6:4

Inshita iyo ukulya kwa Bayuda ukwa Chakulya Chakuchilila kwali apepi.

Imilimo ya batumwa 21:24

Koya nawebo mukayiwamye nabo. Panuma ubalipilile ifipupo fyakunanda yaku Lesa, elo bakubeya imitwi. Munshila nji abantu bonse bakwishiba ukuti ifyo balikukusoselapo fyabufi, nokuti kanshi nobe ulalama Amafunde akwa Mosesi.

Imilimo ya batumwa 21:26

Akasuba kakonkelepo Paulo abulile abalalume bane mbalya, ayiwamya pamo nabo. Elo ayinjile munanda yaku Lesa nokwishibisha abantu ubushiku bwakumupwilo panshiku shakuyiwamya ulo abalalume mbalya bakuleta umo-umo ichipupo chakwe.

Imilimo ya batumwa 24:18

Ulo nalikuchita umulimo ngu basangile munanda yaku Lesa nimpwisha ukuyiwamya kale. Tamwalipo nebumba lyabantu nangula ichimfulunganya iyowo.

1 Kolinto 11:28

Umuntu alingile ayiyesha enka, elo alye umufuba nokunwena kulukombo ndu.

Yemusi 4:8

Palamineni kuli Lesa, elo naye akupalamina kuli mwebo. Lekeni ububi mwe mbifi. Wamyeni imitima yenu, mwe bamitima iibi.