Yohane 11:52 - Chipangano Chabwangu

⁵² Tekufwilapo Bayuda benka iyowo, kuntu nokulonganya abana baku Lesa bonse abo abapalangana.

Yohane 11:52 ပူးပေါင်းရင်းမြစ်များ

Luka 15:8

“Nangula umwanakashi uukwete indalama ikumi iyamuwaya nga alufyapo imo pali nsho, kuti achita shani? Kuti asanika inyali nokupyanga munanda yakwe. Elo akuchenchenta konse-konse ukufikila ayisanga.

Luka 2:32

Mwapela ukusanika ukuti kusanikile kubenafyalo, nokuba umuchinshi kubantu benu abena Isilaeli.”

Yohane 1:12

Nomba abo abamupokelele nokumuchetekela, alibapele ifiso ifyakuba abana baku Lesa.

Yohane 1:29

Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Yohane 12:32

Ulo mwakunjimya pamutashi, nakwisa tintila abantu bonse kuli nebo.” (

Imilimo ya batumwa 18:10

pantu nebo ndinobe. Takupo umuntu nangu umo uwakukuchena. Ndikwetemo abantu abenji ukwinekantu muli ngu mushi.”

Loma 3:29

Napo Lesa wa Bayuda benka? Te wabenafyalo nabo? Ina, wabenafyalo nabo.

Loma 4:17

Nga mfilya Amalembo Apatulika asosa ati, “Nakulengele webo ukuba wishibo wamitundu yonse.” Ichilayo nchi Abulahamu achipokelele ukufuma kuli Lesa uyo achetekele. Engu Lesa uupela ubumi kubafwa, uwita ifitalabako nokufipela ubumi.

Efeso 1:5

Lesa alipekenye kale mukufwaya kwakwe ukuti tube abana bakwe muli Yesu Klistu.

Efeso 3:11

Lesa alichitile mfi ukuti nachine fichitike muli Klistu Yesu Bashikulu wesu ifyo asosele kale inshita tayilatatika.

Yemusi 1:1

Nine Yemusi, umupyungi waku Lesa na Bashikulu Yesu Klistu. Namuposha umutende bonse mwe bantu baku Lesa abapalangana mpanga yonse.

1 Petulo 1:1

Nine Simoni Petulo umutumwa waku Yesu Klistu. Nkolembela abasalwa baku Lesa, abasalangana mubweni mufyalo fya Pontusi, Galatiya, Kapadosiya, Asiya namu Bitiniya.

1 Yohane 2:2

Ngu ebupe ubunakilila amabifyo esu, tebubi bwesupo bwenka iyowo, kuntu nobwabantu bonse.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.