Yohane 11:47 - Chipangano Chabwangu

⁴⁷ Elo Abafalisi nentungulushi shabachipupila nabakulu ba Bayuda balikumene nokusosa ati, “Twakuchita shani? Lolesheni pafyafiso ifikulu fyonse ifyo ngu muntu akochita!

Yohane 11:47 ပူးပေါင်းရင်းမြစ်များ

Mateyo 26:3

Elo intungulushi shabachipupila nabakulu ba Bayuda balongene kunanda yakwa Kayafasi, chipupila mukulu.

Mateyo 5:22

Nomba nebo nkomweba ati, onse uwakalipila wabo akutwalwa mukulubulula. Noyo uwakweba wabo ati, ‘We chipuba we,’ akuba nomulandu kunsaka yamilandu iikulu. Nomba uwakweba wabo ati, ‘We chinangwa we!’ Ye alingile ukumuposa mumulilo uutashimapo.

Maliko 14:1

Kwashele bwaka inshiku shibili kunshiku-nkulu ya Chakulya Chakuchilila nakunshiku-nkulu iyakulyamo Imifuba Iitatutumuka. Intungulushi shabachipupila nabasambishi ba Mafunde akwa Mosesi balikufwayilisha inshila yakwikatilamo Yesu mubumfinshi ukwebati bamwipaye.

Luka 22:2

Intungulushi shabachipupila nabasambishi ba Mafunde balikutina abantu, elo balikufwayilisha inshila yakwipayilamo Yesu mubumfinshi.

Yohane 11:57

Intungulushi shabachipupila na Bafalisi bapele abantu amafunde aakuti nga kwakuba umuntu uwakwishiba uko Yesu ali, alingile ayisa mukusosela ukwebati bamwikate.

Yohane 12:19

Elo Abafalisi basoshenye ati, “Mwabona, tukofilwa epela! Lolesheni ifyo ichalo chonse chikomukonka!”

Yohane 2:11

Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 6:2

Ibumba ilikulu ilyabantu lyalimukonkele pantu babwene ifyafiso ifikulu ifyo achitile mukuposha abalwele.

Yohane 7:32

Ulo Abafalisi baumfwile ifyo abantu balikutepeleshanya namfi ifyaku Yesu, intungulushi shabachipupila na Bafalisi batumine bamalonda ukuti baye bamwikate Yesu.

Yohane 7:45

Bamalonda babwelelemo kuntungulushi shabachipupila na Bafalisi. Ulo bafikile nkulya, balibafumbile ati, “Mba nindo mutamuletele?”

Imilimo ya batumwa 5:21

Nabo abasambishi pakumfwa mfi, bayinjile munanda yaku Lesa kumacha batatika nokusambisha. Ulo chipupila mukulu pamo nabanakwe bafikile, balonganikile bachilolo bonse aba Bayuda kuchilye ichikulu. Ulo bakumanine, bayitile abatumwa ukuti babalete kuchilye ukufuma kuchifungo.

Imilimo ya batumwa 5:24

Ulo umukulu wabashilikali bananda yaku Lesa pamo nentungulushi shabachipupila baumfwile nga mashiwi, tabayishibilepo ichachitikile kubatumwa.