Yohane 11:28 - Chipangano Chabwangu

²⁸ Panuma ulo Malita ashilile ukusosa mfi, alibwelelemo mukwita nkashi inakwe Maliya. Mubumfishi alimwebele ati, “Umusambishi afika ali nkuno, akokwita.”

Yohane 11:28 ပူးပေါင်းရင်းမြစ်များ

Mateyo 26:18

Yesu abasukile ati, “Kamuya kuli kantwa mumusumba, mukamwebe ati, ‘Umusambishi akoti, inshita yanji ili mupepi. Ndefwaya ukulya Chakulya Chakuchilila kunanda yobe pamo nabakusambila banji.’”

Maliko 10:49

Yesu alimakene ati, “Mwiteni.” Epo bayitile impofu njilya nokueba ati, “Sanguluka! Ima, akokwita.”

Maliko 14:14

Elo mwebe umwine wananda mwati, Umusambishi akofumba ati, ‘Mba chilikwi chipinda chabalwendo icho nebo nabakusambila banji twakulilamo Chakulya Chakuchilila?’

Luka 22:11

Elo mwebe umwine wananda ati, ‘Umusambishi akokufumba ati, mba chipinda chabalwendo icho nebo nabakusambila banji twakulilamo Chakulya Chakuchilila chili kwisa?’

Yohane 1:41

Bwangu-bwangu asangile wabo Simoni, nokumweba ati, “Twamusanga Uwasubwa waku Lesa.” (Ndi shina lyaalula ati Klistu.)

Yohane 1:45

Filipo naye asangile Natanayeli nokumweba ati, “Twamusanga uwo Mosesi alembele mwibuku lya Mafunde, nabasoseshi nabo balimulembele. Ni Yesu waku Nasaleti, mwana Yosefe.”

Yohane 10:3

Eye mulonda wapamulyango eswilako, nembelele shilomfwa ishiwi lyakwe ulo ashita amashina ashiko. Elo alashitanjilila kumwemfu.

Yohane 11:20

Ulo Malita aumfwile ati Yesu akoyisa munshila, alile mukumuchinsha, kuntu Maliya ashele ekele munanda.

Yohane 11:29

Ulo Maliya aumfwile mfi, bwangu-bwangu alimine ukuya kuli Yesu mukumukumanya. (

Yohane 11:30

Yesu aali talafika kumushi, kuntu alipenka mpalya apo Malita amukumenye.)

Yohane 13:13

Mwebo mukonjita ati, ‘Musambishi’ nakambi ati, ‘Bashikulu.’ Nachine mukolungika pakuti efyo naba.

Yohane 20:16

Yesu asosele nakwe ati, “Maliya!” Alyalukile Maliya, asosele ati, “Laboni!” (Nchi Chihebele ichikoyalula ati, “Musambishi.”)

Yohane 21:7

Penkapo uwakusambila uwo Yesu atemenwe asosele kuli Petulo ati, “Ni Bashikulu!” Ulo Petulo aumfwile ati ni Bashikulu, abulile ilaya lyakwe nokufwala. (Pakuba alifulile amalaya pamulandu wamulimo.) Ulo ashilile ukufwala, achilukile mumenshi.

1 Tesalonika 5:11

Nomba mulokukoseleshanya nokwafwana umo nomunakwe nga mfilya mukochita kale.

Hebele 12:12

Echo kosheni amaboko yenu ayalema pamo namakufi yenu ayaletutuma.