Yohane 10:6 - Chipangano Chabwangu

⁶ Yesu abebele nchi chelusho, kuntu bena tabaumfwilepo umo chalolele.

Yohane 10:6 ပူးပေါင်းရင်းမြစ်များ

Mateyo 13:34

Fyonse mfi Yesu abebele mufyelusho. Talikubasambishapo bwaka, sembi mufyelusho mwenka.

Mateyo 13:51

Elo Yesu afumbile abakusambila bakwe ati, “Napo mwafyumfwa fyonse mfi?” Nabo balyasukile bati, “Ina.”

Maliko 4:34

Talikubasoselapo akantu nangu kamo ukwambula ukubasosesha mufyelusho, kuntu kumbali eko alikulondolola fyonse kubakusambila bakwe.

Yohane 16:25

“Nomba nkososa namwebo mfi fintu mufyelusho, kuntu inshita ikoyisa iyo tanshayise kusosapo nakambi munshila nji. Nakwisa kumulondolwela ifyaku Bata pamenso-kutuba.

Yohane 16:29

Abakusambila bakwe basosele ati, “Boneni nomba mukososa pamenso-kutuba, kuntu temufyelushopo iyowo!

Yohane 6:52

Penkapo abakulu ba Bayuda batatikile ukutalikishanya bati, “Ngoyu muntu kuti atupela shani umubili wakwe ukuti tulye?”

Yohane 6:60

Abenji abamubakusambila bakwe ulo baumfwile nga mashiwi, basosele ati, “Nku kusambisha kwakosa ukwinekantu. Mba ninani uwingakumfwa?”

Yohane 7:36

Ali kusosa ati tukamufwaya, kuntu tatwakamusangepo. Nakambi akoti uko akoya tekuti tufikeko. Chindo icho akososa?”

Yohane 8:27

Bena tabayishibilepo ukuti Yesu alikusosa kuli bo ifyaku Bawishi.

Yohane 8:43

Mba nindo mutomfwilapo ifyo nsosa? Mulandu wakuti tamukwetepo ifiso ifyakumfwa amashiwi anji.

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

2 Petulo 2:22

Ulo bachita mfi, bafikilisha insoselo imo iyakuti, “Imbwa ibwelela kumalushi ayiko.” Nayimbi ilya iisosa ati, “Inkumba iisambile ilabwelela nakambi mukwalangana mumatipa.”

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.