Yohane 10:32 - Chipangano Chabwangu

³² Elo Yesu asosele ati, “Nebo nchitile imilimo iinji iyawama pamenso enu iyo Bata bampele ukuchita. Pali nji yonse, mba niwisa uwo mukofwayilapo ukundashilapo amabwe?”

Yohane 10:32 ပူးပေါင်းရင်းမြစ်များ

Mateyo 11:5

impofu shikobona, abalemana bakoyenda, abafyona bakopola, bankoma-matwi bakoumfwa, abafwa nabo bakobuka, nabachula bakoshimikilwa Ubutumi Bwawama.

Yohane 10:25

Yesu alibasukile ati, “Ndimubushishe kale, kuntu tamukochetekelapo. Imilimo iyo nchita mwishina lyaku Bata, eyimfisulula.

Yohane 10:31

Abayuda mbalya batolele amabwe ukuti bamulase.

Yohane 10:33

Abayuda balyasukile ati, “Tatukofwayapo ukukulasa amabwe pamulandu wamilimo iyawama iyo uchitile, kuntu nipamulandu wakusalula Lesa. Pantu webo uli muntu bwaka, kuntu ukoyilinga ukuba Lesa.”

Yohane 10:37

Kati nshibomba milimo yaku Bata, mwinchetekelapo iyowo.

Yohane 5:36

Nomba ndikwete bukamboni ubukulu ukuchila ubo Yohane Mubatishi amupele. Boneni nebo nkobomba imilimo iyo Bata bampele. Nji milimo eyilanga ukwebati Bata ebantumine.

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

1 Yohane 3:12

Tatufwilepo ukubati ni Kaini uwakulubali lwakwa Mubi. Ayipeye wakwe Abeli. Nindo Kaini amwipayile? Pantu Kaini alechita ifintu ifibi, elo Abeli alechita ifintu ifiweme.