Yohane 10:3 - Chipangano Chabwangu

³ Eye mulonda wapamulyango eswilako, nembelele shilomfwa ishiwi lyakwe ulo ashita amashina ashiko. Elo alashitanjilila kumwemfu.

Yohane 10:3 ပူးပေါင်းရင်းမြစ်များ

Yohane 10:14

Nomba nebo nine chembela uwawama. Nalishiba imbelele shanji, nasho shalinjishiba.

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Yohane 10:4

Ulo ashifumya panse alashitanjilila, nembelele shilamukonka pakuti shalishiba ishiwi lyakwe.

Yohane 10:9

Nine mulyango. Umuntu onse uwinjilila pali nebo akwisa kupuluka. Akwisa kwinjila mukati nakambi nokufuma nokusanga ichakulya.

Yohane 6:37

Bonse abo Bata bampela balesa kuli nebo. Onse uwisa kuli ne tanshimutamfyapo iyowo.

Yohane 6:45

Abasoseshi balembele ati, ‘Abantu bonse bakwisa kusambilishiwa na Lesa.’ Uyo onse uukoumfwa ifyaku Bata nokusambilila kuli Ye ewisa kuli nebo.

Loma 8:30

Echo abo Lesa asalile ebo ayitile. Elo abo ayitile, akubalungamika. Nakambi abo alungamika, ebo aakene umuchinshi.

1 Kolinto 16:9

Pakuba nkuno uko ndi kuli ishuko ilikulu ilyakupyungilako ifikulu, nangu abalwani benji.

Filipi 4:3

Elo nkokupapata nawebo, wemunanji umwinenene pamulimo wesu ngu ukuti ubafwilisheko abanakashi mba. Pakuba balibombele ukwinekantu pamo nandibo mukutanda Ubutumi Bwawama. Elo babombele na Kilementi pamo nababomfi bananji bambi abali namashina aabo aalembelwe mwibuku lyabumi.

Kolose 4:3

Nafwebo mulokutulombelako ukuti Lesa atupele inshita iiweme, iyakushimikila amashiwi akwe nokusosa ichamfiso chaku Klistu, pantu pakushimikila epo nakakilwepo muchifungo.

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.

1 Yohane 4:6

Lelo fwebo tuli baku Lesa. Onse uwayishiba Lesa alatumfwila. Abashishibe Lesa, tabatumfwilapo iyowo. Munshila nji emo Mupashi wachine nowabufi tuwishibilamo.

3 Yohane 1:14

Nkofwaya ukumutandalila ukuti nkese sosa namwebo pakanwa.

Ukufisulula 20:15

Elo bonse abatasangilwemo mwibuku lyabumi, baliposelwe muli bemba wamulilo.

Ukufisulula 3:20

Boneni ndimakene pamulyango nokukonkosha. Nga umuntu aumfwa ishiwi lyanji nokwisulako ichiibi, nakwinjila munanda yakwe, elo nebo naye twakulila pamo.

Ukufisulula 7:17

Pakuti Umwana wambelele uuli pakati kamupando wabufumu, akuba chembela wabo nokubatungulula kutumfuku-mfuku twamenshi ayapela ubumi. Lesa akubasumuna iminsoshi yonse kumenso yabo.”