Yohane 10:28 - Chipangano Chabwangu

²⁸ Elo ndashipela ubumi butashila. Tashakafwepo nakambi takupo uwingashipokolola kuli ne.

Yohane 10:28 ပူးပေါင်းရင်းမြစ်များ

Maliko 13:22

Pantu ba Klistu nabasoseshi ababufi bakwima, balikuchita ifyafiso ifikulu nefyakushimbwisha, ichakweba ati babepayike nabasalwa kumo nga chingachitika.

Luka 23:46

Yesu ayawile neshiwi ilikulu ati, “Bata! Nabika umupashi wanji mumaboko enu!” Ulo asosele nga mashiwi, nokufwa kafwa.

Yohane 10:29

Pantu Bata abampela bakulu ukuchila pali bonse, epo takuli umuntu nangu umo uwingashifumpula muminwe yaku Bata.

Yohane 11:25

Yesu asosele kuli ye ati, “Nine ukubuka nobumi. Uyo onse uuchetekela muli nebo, akuba nobumi nangu aafwa.

Yohane 14:19

Munshita bwaka iinini, ichalo tachakambonepo, kuntu mwebo mwakwisa kumbona pakuti nebo ndimumi, namwe mwakwisa kwikala nobumi.

Yohane 17:2

Ukubati nimulya mwamupela insambu pabantu bonse, ukuti bonse abo mwamupela abapele ubumi butashila.

Yohane 18:9

Nchi chachitikile ukuti Amalembo afikilishiwe ayo asosele ukuti, “Nshaposelepo nangu umo uwaku bo mwampele.”)

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Yohane 4:14

kuntu onse uunwa amenshi nakumupa tayise kumfwapo chilaka nakambi. Amenshi awo nakumupa akwisa kuba muli ye akamfuku-mfuku nokumupela amenshi aabumi butapwa.”

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

Yohane 6:37

Bonse abo Bata bampela balesa kuli nebo. Onse uwisa kuli ne tanshimutamfyapo iyowo.

Yohane 6:47

Nachine nkomweba ati, umuntu uwanchetekela ali nobumi butashila.

Yohane 6:68

Simoni Petulo alimwasukile ati, “Bashikulu, mba nikuli nani twingaya? Nimwe mukwete amashiwi aapela ubumi butashila.

Imilimo ya batumwa 7:59

Ulo balikumutobaula amabwe, Sitefano alikwaula bwaka nokwita Bashikulu ati, “Bashikulu Yesu, pokeleleni umupashi wanji!”

Loma 5:17

Pamulandu wakubifya kwamuntu umo ngulya, abantu bonse balafwa. Mba chakuba shani nduno, ulo achitile ifintu ifikulu umuntu umo ngulya, Yesu Klistu? Pakuba onse uwakupokelela ukushukisha kwaku Lesa, elo nechabupe chabulungami bwakwe, akuba nobumi butapwa ukupitila muli Yesu Klistu.

Loma 5:2

Bashikulu Yesu Klistu ebatwiswile inshila yakuti ukupitila muchichetekelo Lesa aatupele ubwanshi ubo tuli nabo nomba. Echo tulesansamuka pakwishiba ati twakuba nobuleme bwaku Lesa.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 5:9

Mfi twishibile ati tuli abalungama ukupitila mumfwa yakwe, nachine Klistu akwisa tupulusha kubukali bwaku Lesa.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

Loma 8:1

Nomba kuli bo abachetekela muli Klistu Yesu takupo umulandu.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

Filipi 1:6

Echo ndishibile ukwebati Lesa uwatatikile umulimo uuweme ngu muli mwe, akutwalila ukufika ukashile pakasuba ulo Klistu Yesu akubwela.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

1 Timoti 1:16

Nomba Lesa alimbele inkumbu pakuti muli ne emo Klistu Yesu alangile ukuteka-umutima kwakwe konse. Alikufwaya ukuti ne mbifi mbe ichakubwenapo kuli bo bonse abakuchetekela pakuti bakabe nobumi ubutapwa.

2 Timoti 1:12

Echo nkochulila mfi. Nangu chibe mfi, nshuumfwapo insoni iyowo pakuti ndimwishibile uyo nachetekela. Elo nalishininkisha ukuti kuti ansungisha bwino ukufikila pakasuba kabupingushi ifyo ampele ukuti nsunge.

Hebele 7:25

Pamulandu wakwe engapulusha bo abesa mupepi na Lesa ukupitila muli Ye, pakuti ngu ali nobumi inshita shonse ukuti abalombele.

1 Petulo 1:5

Mwebachetekela Lesa akomusunga nefiso fyakwe ukuti mukapokelele chipulusho icho Ye akufisulula panshita yakulekelesha.

1 Yohane 1:2

Ulo mbu bumi bwaboneke, twalibubwene. Nomba tulasosa pali mbu bumi butashilapo ubwali na Bata, elo bwalishibikwe kuli fwebo.

1 Yohane 2:19

Mba bantu bali nafwebo kale, kuntu tabalipo bebumba lyesu. Ababa bamwibumba lyesu nga twayikele nabo. Lelo balifumine ukuti baboneke ati tabali bamwibumba lyesu.

1 Yohane 2:25

Nchi echo Klistu umwine alayile ukutupa, ubumi bwamuyayaya.

1 Yohane 5:11

Nabukamboni nimbu ubwakuti Lesa alitupa ubumi ubutashila ubutula mu Mwana wakwe.

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.

Yuda 1:21

Ikaleni mukutemwa kwaku Lesa ulo mukolindila ubumi butapwa ubo Bashikulu wesu Yesu Klistu akaya kupela muchisa chakwe.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.