Yohane 10:27 - Chipangano Chabwangu

²⁷ Mbelele shanji shilomfwa ishiwi lyanji, nandibo nalishishiba, nasho shilankonka.

Yohane 10:27 ပူးပေါင်းရင်းမြစ်များ

Mateyo 16:24

Elo Yesu asosele kubakusambila bakwe ati, “Umuntu kati akofwaya ukunkonka ayikanye umwine nokupinta umutashi wakwe, elo ankonke.

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Mateyo 25:12

Nshibwinga abasukile ati, ‘Nachine nkomweba ati, nshimwishibilepo!’”

Mateyo 7:23

Elo nandibo nakubasuka ati, ‘Nshimwishibilepo! Fumeni mpa mwe bachita ububi.’

Maliko 10:21

Yesu alimulolekeshe nokutemwa nokuti, “Ichikofwayikwa chimo. Koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu, elo wise unkonke.”

Maliko 8:34

Yesu ayitile ibumba lyabantu pamo nabakusambila bakwe. Asosele kuli bo ati, “Kati umuntu akofwaya ukunkonka, ayikanye umwine nokupinta umutashi wakwe, elo ankonke.

Luka 13:27

Nomba akusosa nakambi ati, ‘Tanshishibilepo noko mwafuma mwebo. Fumeni mpa mwe bachita ububi!’

Luka 9:23

Yesu aebele nakambi bonse ati, “Umuntu kati akofwaya ukunkonka, ayikane umwine nokupinta umutashi wakwe lonse, elo ankonke.

Yohane 10:14

Nomba nebo nine chembela uwawama. Nalishiba imbelele shanji, nasho shalinjishiba.

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Yohane 10:8

Bonse abayishile pantanshi yanji bang’o nabakufumpula. Echo nembelele tashabomfwilepo.

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Yohane 21:22

Yesu alimwasukile ati, “Kati nebo nkofwaya ukuti ekalilile ukufikila apo nakubwelela, ngechi chindo kuli webo? Nkonka nebo epela!”

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Yohane 8:12

Panuma Yesu asosele ku Bafalisi ati, “Nine kusanika ukusanikila bantu bamuchalo. Onse uwakunkonka akwisa kuba nokusanika ukwabumi, nakambi tayise kwendapo mumfinshi iyowo.”

Yohane 8:43

Mba nindo mutomfwilapo ifyo nsosa? Mulandu wakuti tamukwetepo ifiso ifyakumfwa amashiwi anji.

Imilimo ya batumwa 3:23

Umuntu onse utakomfwe kufyo akusosa bakumufumya pabantu baku Lesa nokumulofya.’

1 Kolinto 8:3

Nomba umuntu uwatemwa Lesa, alishibwa na Lesa.

Galatiya 4:9

Kuntu nomba mwalishiba Lesa, nangula nkasose ati Lesa alimwishiba, mba nindo mukobwelela kutufuto ntulya twabwaka nakambi utwansha nsoni? Mulandu ndo mukofwaya ukuba abasha nakambi bamfilya?

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

Hebele 3:7

Nomba kubati nimfilya Umupashi Wabuta ukososa ati, “Lelo nduno nga mwaumfwa amashiwi aku Lesa,

Ukufisulula 14:4

Mba ebayilamine, abatayibifishepo nabanakashi, abatayishibapo umwalalume. Balakonka Umwana wambelele konse aya. Mba balipulushiwa pakati kabantu ukuti babe abakwamba ukupelwa kuli Lesa naku Mwana wambelele.

Ukufisulula 3:20

Boneni ndimakene pamulyango nokukonkosha. Nga umuntu aumfwa ishiwi lyanji nokwisulako ichiibi, nakwinjila munanda yakwe, elo nebo naye twakulila pamo.