Yohane 10:24 - Chipangano Chabwangu

²⁴ Elo abantu bamushingulukile nokumufumba ati, “Mba ninshita ndo wakuyifisulula wemwine ukuti ewe Wasubwa waku Lesa? Twebeko apabuta tuutu ukuti twilokukayika-kayikapo.”

Yohane 10:24 ပူးပေါင်းရင်းမြစ်များ

Mateyo 11:3

Elo balimufumbile ati, “Napo niwe basosapo ati akwisa, nangula tuli nokulindila umbi?”

Maliko 8:32

Ndi shiwi alisosele pamenso-kutuba. Ulo Petulo aumfwile mfi, abulile Yesu nokuya nakwe pambali. Elo atatikile ukumwebaula.

Luka 3:15

Ichichetekelo chabantu chalikulile, nokulanguluka bati, “Nangula ngu Yohane kuti aba Ewasubwa waku Lesa.”

Yohane 1:19

Elo bachilolo ba Bayuda abamu Yelusalemu batumine bachipupila naba Lefi mukumufumba Yohane ati, “Kanshi webo niwe nani?”

Yohane 10:31

Abayuda mbalya batolele amabwe ukuti bamulase.

Yohane 10:33

Abayuda balyasukile ati, “Tatukofwayapo ukukulasa amabwe pamulandu wamilimo iyawama iyo uchitile, kuntu nipamulandu wakusalula Lesa. Pantu webo uli muntu bwaka, kuntu ukoyilinga ukuba Lesa.”

Yohane 16:25

“Nomba nkososa namwebo mfi fintu mufyelusho, kuntu inshita ikoyisa iyo tanshayise kusosapo nakambi munshila nji. Nakwisa kumulondolwela ifyaku Bata pamenso-kutuba.

Yohane 8:25

Bo balimufumbile ati, “Mba niwe nani?” Yesu alibasukile ati, “Nine uwo mwebele kale.

Yohane 8:53

Banshifwe Abulahamu balifwa, napo webo uli mukulu ukuchila Abulahamu? Nabasoseshi balifwa, mba webo ukolanguluka ati niwe nani?”

Yohane 9:22

Abafyashi bakwe basosele mfi nipamulandu wakutina abakulu. Mba basuminishenye kale ati onse uwakwisa kusumina ukwebati Yesu Ewasubwa waku Lesa, bakwisa kumutamfya munanda yakulombelamo Lesa.

2 Kolinto 3:12

Pakuti tukolindilila mfi, tulashipikisha ukwinekantu.