Yohane 10:18 - Chipangano Chabwangu

¹⁸ Takupo umuntu uwingafumya ubumi bwanji kuli nebo, kuntu ndabutula nemwine. Ndikwete ifiso fyakubutula, nakambi nokubutola nemwine. Nchi echo Bata bansambisha ukuti nchite.”

Yohane 10:18 ပူးပေါင်းရင်းမြစ်များ

Yohane 10:11

“Nine chembela uuweme. Chembela uuweme apela ubumi bwakwe pamulandu wambelele.

Yohane 10:15

Ukubati nimfilya Bata banjishiba, nandibo nalibeshiba Bata. Pamulandu ngu nalipela ubumi bwanji pamulandu wambelele.

Yohane 10:17

“Bata balintemwa pakuti nalitula ubumi bwanji, ukuti njise mbutole nakambi.

Yohane 14:31

Ichalo chikowamina ukwishiba ukuti nebo nalitemwa Bata, echo nchitila ifintu fyonse ukulingana nomo bansambishisha. “Imeni nomba, tulokuya.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Yohane 19:11

Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”

Yohane 5:26

Kubati nimwenka mulya Bawishi babela entulo yabumi, mumo mwenka alimuchitile Umwana wakwe ukuba intulo yabumi.

Yohane 5:30

“Apanenka tekuti nchitepo akantu nangu kamo munsambu shanji. Nebo mpingwila bwaka mwenka umo Lesa anjebela. Elo ubupingushi bwanji bwaba ubwalungama pakuti nshichitapo ifyo nemwine mfwaya, kuntu ifyo uyo uwantuma afwaya.

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Imilimo ya batumwa 2:24

Nomba Lesa alimubusha nokumupulusha kubukali bwamfwa pantu chalikangile ukuti imfwa imuchimfye.

Imilimo ya batumwa 2:32

Lesa abushishe Yesu ngu kubafwa, nafwebo bonse tuli bakamboni pali nchi.

Imilimo ya batumwa 3:15

Echo mwayipeye umwine wabumi, kuntu Lesa amubushishe kubafwa. Elo fwebo tuli bakamboni pali ngu mulandu.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 2:9

Nomba uyo tukobona bwaka ni Yesu, Ye pakashita kanini bamuchefyeshe ukuchila abangelo, alipokelele ingala yamuchinshi pamulandu wamfwa iyo achulile. Chali mfi pakuti mubwanshi bwaku Lesa afwayile ukuti Yesu afwile abantu bonse.