Yohane 10:1 - Chipangano Chabwangu

¹ Yesu asosele ati, “Nachine nkomweba ati, umuntu uutenjilila pamulyango wechinka lyambelele, kuntu akoyinjilila pambi, emung’o nowakufumpula.

Yohane 10:1 ပူးပေါင်းရင်းမြစ်များ

Mateyo 7:15

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali.

Yohane 10:7

Nakambi Yesu asosele kuli bo ati, “Nachine nkomweba ati, nine mulyango wambelele.

Yohane 3:3

Yesu alimwasukile ati, “Nachine nkokweba ati, nga muntu tafyelwepo libili tekuti enjilepo mu Bufumu bwaku Lesa.”

Loma 10:15

Elo kuti babilisha shani nga tabatuminwepo? Ukubati nimfilya Amalembo asosa ati, “Ukuwama amakasa aambo abaleta Ubutumi Bwawama!”

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Taitasi 1:11

Ulingile ukubakanya mba ukusambilisha pakuti bekonaula ulupwa lonse ulo batandalile kukusambilisha ifintu ifyo tabalingilepo ukuti basambilishe. Bakochita mfi ukuti basangilepo ububoni.

Hebele 5:4

Tapapo umuntu uuyipela umuchinshi umwine uwakuba chipupila mukulu iyowo, kuntu aletwa na Lesa ukubati nimfilya ayitile Aloni.

1 Petulo 1:10

Abasoseshi basosele kale ifyabupe ubo mwakupokelela, bafwayilishe mukufumba-fumba ifyachipulusho nchilya.

2 Petulo 2:1

Nomba pali abasoseshi ababufi pakati kabena Isilaeli. Echo napali mwebo pakuboneka bakasambisha ababufi. Bakwinjisha mubumfinsolo ifyakusambisha ifyabufi ifyonaula, bakukana na Bashikulu kumo bo ababapulwishe. Echo bakwiletela ubonaushi.

2 Petulo 2:3

Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.