Yohane 1:50 - Chipangano Chabwangu

⁵⁰ Yesu asosele ati, “Kanshi wachetekela pakuti nakweba ati, ‘Nakubwene kale ulo wayikele munshi yamukunyu?’ Wakwisa kubona ifintu ifikulu ukuchila pali nchi!”

Yohane 1:50 ပူးပေါင်းရင်းမြစ်များ

Mateyo 13:12

Pantu uyo uukwetepo tunini, akapokwa noto akwete.

Mateyo 21:19

Ulo abwene umukunyu mumbali yanshila, alileko ukuti alyeko amakunyu. Nomba asangileko bwaka amabula enka. Elo asosele kumukunyu ati, “Ukufuma nduno tawakatwalepo nakambi ifisabo.” Penkapo umukunyu ngulya walyumine.

Mateyo 25:29

Pantu umuntu ukwete ifinji, akubikilwapo nafimbi, nangulya uukwete tunini akupokwa noto akwete.

Luka 1:45

Alishuka umwanakashi uwachetekela ukuti amashiwi Bashikulu basosa kuli ye akuchitika!”

Luka 7:9

Yesu alishimbilwe pakumfwa nchi. Apilibukile kwibumba ilyamukonkele nokusosa ati, “Nkomweba nati, tanshabala nsangapo ichichetekelo ichaba mfi nangu nimubena Isilaeli!”

Yohane 1:49

Natanayeli alimwasukile ati, “We musambishi, niwe Mwana waku Lesa! Niwe Mfumu yaba Isilaeli!”

Yohane 1:51

Epo asosele nakambi kuli bo ati, “Nachine, mwakwisa kubona umulu wayisuka nabangelo baku Lesa bakonina nokwikila pa Mwana wa Muntu.”

Yohane 11:40

Yesu amwasukile ati, “Napo nshikwebelepo kale ati wakubona ubuleme bwaku Lesa nga wanchetekela?”

Yohane 20:29

Yesu asosele ati, “Pakuba wambona epo wachetekela. Balishuka abakochetekela nangu tabambwenepo.”