Yohane 1:4 - Chipangano Chabwangu

⁴ Muli Ye mwali ubumi. Elo mbu bumi bwaletele kusanika kubantu.

Yohane 1:4 ပူးပေါင်းရင်းမြစ်များ

Mateyo 4:16

Abantu abayikala mumfishi bakobona ukusanika ukukulu! Bo abayikala muchalo chamfinshi iyamfwa, ukusanika kwakubatulila.”

Luka 2:32

Mwapela ukusanika ukuti kusanikile kubenafyalo, nokuba umuchinshi kubantu benu abena Isilaeli.”

Yohane 11:25

Yesu asosele kuli ye ati, “Nine ukubuka nobumi. Uyo onse uuchetekela muli nebo, akuba nobumi nangu aafwa.

Yohane 12:35

Yesu abasukile ati, “Ukusanika kuli pali mwebo mukanshita kanini. Endeni mukusanika ulo muchili nako ukuti imfishi iimufimbapo, pakuti uukoyenda mumfinshi teshibapo uko akoya.

Yohane 12:46

Nayisa muchalo ukuba ukusanika, ukuti onse uukochetekela muli nebo eyikalilila mumfinshi.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 3:19

Ubupingushi ifyo bwaba nimfi, ukusanika kulishile muchalo, kuntu abantu batemwa imfinshi ukuchila ukusanika, pantu imilimo yabo iibi.

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 5:26

Kubati nimwenka mulya Bawishi babela entulo yabumi, mumo mwenka alimuchitile Umwana wakwe ukuba intulo yabumi.

Yohane 8:12

Panuma Yesu asosele ku Bafalisi ati, “Nine kusanika ukusanikila bantu bamuchalo. Onse uwakunkonka akwisa kuba nokusanika ukwabumi, nakambi tayise kwendapo mumfinshi iyowo.”

Yohane 9:5

Ulo nchili muno chalo, ndi kusanika kwachalo.”

Imilimo ya batumwa 26:23

Klistu ali nokuchula nokuba umutanshi ukubuka kubafwa ukuti kukabilishiwe amashiwi epusukilo ku Bayuda nakubenafyalo, akabe ukusanika kuli bo.”

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

1 Yohane 1:1

Nkomulembela pafya ishiwi ilipela ubumi ilyaliko ukutula pakubala. Twalilyumfwa nokulibona namenso esu. Ina, twalilibona nokukumyako namaboko esu.

1 Yohane 1:2

Ulo mbu bumi bwaboneke, twalibubwene. Nomba tulasosa pali mbu bumi butashilapo ubwali na Bata, elo bwalishibikwe kuli fwebo.

1 Yohane 5:11

Nabukamboni nimbu ubwakuti Lesa alitupa ubumi ubutashila ubutula mu Mwana wakwe.

Ukufisulula 22:1

Nakambi umungelo alinangile inika yamenshi ayapela ubumi ayali kubeka kubati ligalashi. Inika nji yalikufuma kumupando waku Lesa nowa Mwana wambelele.

Ukufisulula 22:16

“Ninebo Yesu uutumine umungelo wanji ukuti abilishe ifintu mfi kuli mwe ifyakuchilonganino. Nebo ndiwamukowa wakwa Davide. Nine intandala isanika yakumatanda-cha.”