Yohane 1:26 - Chipangano Chabwangu

²⁶ Yohane alyasukile ati, “Nebo nkobatisha namenshi bwaka, kuntu mukati kenu emo ali umo uwimakene uwo muteshibilepo.

Yohane 1:26 ပူးပေါင်းရင်းမြစ်များ

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Mateyo 3:6

Epo balikuyisosela amabifyo abo nokubatishiwa kuli Yohane mumulonga wa Yodani.

Maliko 1:8

Nebo nkomubatisha namenshi, kuntu Ye akwisa kumubatisha ku Mupashi Wabuta.”

Luka 3:16

Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo.

Yohane 16:3

Abantu bakuchita mfi kuli mwebo pantu tabayishibapo Bata nangu nebo.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 8:19

Elo bo balimufumbile ati, “Kanshi Bawiso balikwisa?” Yesu alibasukile ati, “Nebo tamwanjishibapo nangula Bata. Nga mwalinjishibile nebo, na Bata nga mwalibeshiba.”

Imilimo ya batumwa 1:5

Yohane alikubatisha mumenshi, kuntu munshiku ishinini mwebo mwakubatishiwa no Mupashi Wabuta.”

Imilimo ya batumwa 11:16

Elo nayibukishe ifyo Bashikulu basosele ati, ‘Yohane alikubatisha namenshi bwaka, kuntu mwebo mwakubatishiwa no Mupashi Wabuta.’

Imilimo ya batumwa 19:4

Elo Paulo asosele ati, “Yohane alikubatisha abo abali kulapila kumabifyo abo nokubeba ukuti balokuchetekela muli ngulya uwakwisa panuma, ekuti muli Yesu.”

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.