Yohane 1:19 - Chipangano Chabwangu

¹⁹ Elo bachilolo ba Bayuda abamu Yelusalemu batumine bachipupila naba Lefi mukumufumba Yohane ati, “Kanshi webo niwe nani?”

Yohane 1:19 ပူးပေါင်းရင်းမြစ်များ

Yohane 1:7

Ye ayishile ukupela bukamboni bwanku Kusanika, ukuti abantu bonse bomfwe mbu ubutumi nokuchetekela.

Yohane 10:24

Elo abantu bamushingulukile nokumufumba ati, “Mba ninshita ndo wakuyifisulula wemwine ukuti ewe Wasubwa waku Lesa? Twebeko apabuta tuutu ukuti twilokukayika-kayikapo.”

Yohane 10:31

Abayuda mbalya batolele amabwe ukuti bamulase.

Yohane 11:19

Abena Yudeya abenji balishile mukubona Malita na Maliya, mukubashinshita pamulandu wamfwa yakwa ndume yabo.

Yohane 2:18

Nomba intungulushi sha Bayuda shalifumbile ati, “Fiso ndo ifikulu wingachita ukutulanga ukuti uli nensambu shakuchita mfi?”

Yohane 2:20

Abayuda bamufumbile ati, “Nji nanda yayimekwe mumyaka amakumi ane na isano naumo. Napo webo uungayimaka nakambi munshiku shitatu bwaka?”

Yohane 5:10

Elo abakulu ba Bayuda baebele umuntu uwapolele ati, “Lelo kasuba ke Sabata. Tachasuminishiwa mu Mafunde esu ukuti upinte amachila obe.”

Yohane 5:15

Elo muntu ngulya ayile nokweba abakulu ba Bayuda ukuti ni Yesu ewamuposeshe.

Yohane 5:16

Nomba batatikile ukuchusha Yesu pakuti aposeshe umuntu pakasuba ke Sabata.

Yohane 5:18

Nga mashiwi eyalengele abakulu ba Bayuda ukuti bafwayishe ukwipaya Yesu. Temulandupo wakutoba ifunde lyakasuba ke Sabata lyenka iyowo, kuntu nipakulabila ati Lesa ebawishi. Muli nga mashiwi Yesu ayilingile kuba uwalingana na Lesa.

Yohane 6:41

Ulo baumfwile mfi abakulu ba Bayuda batatikile ukuyilishanya pamulandu wamashiwi awo Yesu asosele ati, “Nine mufuba wafuma kumulu.”

Yohane 6:52

Penkapo abakulu ba Bayuda batatikile ukutalikishanya bati, “Ngoyu muntu kuti atupela shani umubili wakwe ukuti tulye?”

Yohane 7:1

Panuma yaku mfi, Yesu apitene muchalo cha Galili. Tafwayilepo ukwenda muchalo cha Yudeya, pakuti abakulu ba Bayuda balikufwaya ukumwipaya.

Yohane 7:11

Munshita yanku kulya, abakulu ba Bayuda balikumufwayilisha. Balikufumbashanya ati, “Nikwisa ali?”

Yohane 7:15

Elo abakulu ba Bayuda balishimbilwe ukwinekantu. Basosele ati, “Ngoyu muntu uutasambililapo ayishiba shani mfi fyonse?”

Yohane 8:22

Elo Abafalisi batatikile ukusoshanya ati, “Napo akofwaya ukuyipaya echo akososela ati, ‘Uko nkoya tekuti mufikeko iyowo.’”

Yohane 8:48

Abayuda bafumbile Yesu ati, “Napo tatulungikilepo ulo tweba ati, ‘Uli mwina Samaliya nakambi mwaliba umupashi uubi muli we?’”

Yohane 8:52

Abantu bamusoseshe ati, “Nomba twayishiba nachine ukuti alikwete umupashi uubi. Pantu Abulahamu alifwa, nabasoseshi balifwa, kuntu webo ukoeba ati uyo muntu uwakumfwa ukusambisha kobe takafwepo.

Yohane 8:57

Nabo basosele kuli Ye ati, “Webo taulafika nakumyaka amakumi asano, kuti wamubona shani Abulahamu?”

Imilimo ya batumwa 13:25

Nakambi ulo ali apepi nokupwa umulimo wakwe, Yohane afumbile abantu ati, ‘Mba mwebo mukolanguluka ati nine nani? Tenepo ngu mukopembela iyowo, kuntu Ye akoyisa panuma. Nebo tanshilingilepo nokukakula nkwanda shakwe.’

Imilimo ya batumwa 19:4

Elo Paulo asosele ati, “Yohane alikubatisha abo abali kulapila kumabifyo abo nokubeba ukuti balokuchetekela muli ngulya uwakwisa panuma, ekuti muli Yesu.”

1 Yohane 1:5

Amashiwi ayo twaumfwile ku Mwana wakwe akuti Lesa lubuto. Muli Ye tamupo imfinshi iyowo.