Yohane 1:18 - Chipangano Chabwangu

¹⁸ Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 1:18 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 12:41

Esaya asosele mfi pakuti abwene ubuleme bwaku Yesu, elo ewo alikusosapo.

Yohane 13:23

Umo uwabakusambila bakwe uwo Yesu atemenwe, ayikele apepi na Yesu.

Yohane 14:9

Yesu alimwasukile ati, “Nayikala namwe inshita iitali, kuntu webo Filipo taulanjishibapo? Uyo onse uwabona nebo abona na Bata. Mulandu ndo waebela ati, ‘Tulangeni Bashinwe?’

Yohane 17:26

Nalibasambisha ukuti bamwishibe nakambi nshaleke ukuti ukutemwa uko mwantemenwe kube muli bo, nandibo muli bo.”

Yohane 17:6

“Nalimulondolola ukuti abantu bamwishibe. Bali abenu, kuntu mwabapele kuli nebo. Elo balilamine amashiwi enu.

Yohane 3:11

Nachine nkokweba ati, fwebo tusosa icho twayishiba nokweba abantu icho twabona. Nomba takupo nangu umo muli mwe uukofwaya ukupokelela amashiwi esu.

Yohane 6:46

Takupo nangu umuntu umo uwabona Bata iyowo, kuntu nebo newafuma kuli Lesa, ene namubona.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Kolose 1:15

Klistu echipasho chaku Lesa uutabonekapo, nakambi ebeli kufyalengwa fyonse.

1 Timoti 1:17

Ku Mfumu iyamuyayaya, itafwapo neyibonekapo, Lesa umo enka, kuli Ye kube ubuleme ubwanshiku shonse. Ameni.

1 Timoti 6:16

Ngu enka tafwapo iyowo, elo ayikala mulubuto ulo umuntu umbi atangapalaminako. Nakale takupo uwamubwene nowingamubonapo iyowo. Kuli Ye kube umuchinshi nefiso umuyayaya. Ameni.

1 Yohane 4:12

Tapapo uwabona Lesa iyowo, kuntu nga twatemwana ekuti Lesa aba muli fwebo, nokutemwa kwakwe kwaba ukwafikapo muli fwe.

1 Yohane 4:20

Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?

1 Yohane 4:9

Lesa atuboneshe ukutemwa kwakwe akwata pali fwebo ulo atumine Umwana wakwe umofye mpo muno chalo ukuti twingakwata ubumi ukupitila muli Ye.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.