Yohane 1:14 - Chipangano Chabwangu

¹⁴ Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:14 ပူးပေါင်းရင်းမြစ်များ

Mateyo 1:16

Yakobe afyele Yosefe uwaupile Maliya, Maliya naye afyele Yesu, uwitwa Klistu.

Luka 2:11

Pakuti kwafyalikwa kuli mwebo muli nkano kasuba mumushi wakwa Davide, Umupulushi, eye Klistu Bashikulu!

Luka 2:7

Maliya alifyele umwana umwalalume nokumupomba munsalu. Amulalikile muchililo chang’ombe pakuti munanda yabalwendo tamwalipo chifulo chakulalamo.

Luka 9:32

Elo Petulo nabanakwe bali mutulo twamfwa. Ulo babukile babwene umuchinshi waku Yesu nabalalume babili abayimakene nakwe.

Yohane 1:1

Pakutatika, uyo uwitwa Ishiwi eko ali kale. Ali pamo na Lesa nakambi ni Lesa.

Yohane 11:40

Yesu amwasukile ati, “Napo nshikwebelepo kale ati wakubona ubuleme bwaku Lesa nga wanchetekela?”

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 14:9

Yesu alimwasukile ati, “Nayikala namwe inshita iitali, kuntu webo Filipo taulanjishibapo? Uyo onse uwabona nebo abona na Bata. Mulandu ndo waebela ati, ‘Tulangeni Bashinwe?’

Yohane 17:22

Ukubati nimfilya mwanchinshika, nandibo nkobachinshika ukuti babe umo ukubati nimfilya nafwe twaba umo.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Yohane 18:37

Elo Pilato amufumbile ati, “Kanshi webo uli mfumu?” Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”

Yohane 2:11

Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 3:18

Uyo onse uwakuchetekela mu Mwana takopingulwapo, kuntu uyo onse uutachetekela ye apingulwa kale, pantu tachetekelapo mu Mwana umo enka waku Lesa.

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Yohane 8:32

Elo mwakwishiba ukwebesha, nanku kwebesha kwakwisa kumulubula.”

Imilimo ya batumwa 13:33

atuchitila fwebo fwe bana babo ukupitila mukubusha Yesu kubafwa. Nchi chili kubati nimfilya chalembwa mu Malumbo yachibili ati, ‘Webo uli mwana wanji, ukufuma lelo ninebo Wiso.’

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

Loma 9:5

Mba bafuma kufikolwe ifyayishibikwa ifya Bayuda. Elo Uwasubwa uyo alayile wamutundu wabo, ukusosa pafyabuntu bwakwe. Lesa uutungulula ifintu fyonse atondayishiwe lonse.

1 Kolinto 15:47

Umuntu wakwamba ngulya afumine kwiloba. Umuntu wachibili afumine kumulu.

2 Kolinto 12:9

Nomba bo banjebele ati, “Ubwanshi bwanji ebo ukokabila, pakuba ifiso fyanji fikulu ulo uli wanaka.” Echo nayitutumuna mubunake bwanji ukwebati ifiso fyaku Klistu fikale muli ne.

Galatiya 4:4

Ulo inshita yafikile, Lesa alitumine umwana wakwe. Umwana ngu afyelwe kumwanakashi, afyelwe uwalingile ukulama amafunde.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Kolose 1:19

Bufwayo bwaku Lesa ukuti mu Mwana emo bulesa bwakwe bonse bwikale.

Kolose 2:3

Muli Ye emwafishilwa ububoni bonse ubwamulangwe namano.

Kolose 2:9

Pakuba mumubili waku Klistu emwayikala bulesa bonse.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Hebele 1:3

Muli Ye mukoboneka ukusanika kwamuchinshi waku Lesa, nakambi echipasho chaku Lesa. Euchingilila ifintu fyonse namashiwi akwe afiso. Ulo ashilile umulimo wakunakilila amabifyo abantu, ayile kumulu kwikala kukuboko ukwamulyo kwaku Lesa uwafiso fyonse.

Hebele 1:5

Pakuti nakale Lesa tasoselepo kumungelo uuli onse ati, “Niwebo Mwana wanji. Lelo nine Wiso nakufyala.” Nakambi Lesa tasoselepo kumungelo uli onse ati, “Nebo nakuba Wishi, naye akuba umwana wanji.”

Hebele 10:5

Pamulandu ngu, echo Klistu, ayishile panonshi, alisosele ati, “Webo Lesa taufwayapo ifipupo nobupe, kuntu walimpekanishisha umubili.

Hebele 2:11

Uyo uuwamya abantu nabo abawamishiwa abo bonse balikwete Wishi umo. Emulandu enka ngu Yesu tomfwilapo insoni ukubeta ukuti bawakwe.

Hebele 5:5

Munshila imo yenka Yesu tayipelepo umwine umuchinshi wabu Chipupila Mukulu, kuntu Lesa ewamwebele ati, “Niwebo Umwana wanji, lelo nine Wiso.”

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.

1 Yohane 4:9

Lesa atuboneshe ukutemwa kwakwe akwata pali fwebo ulo atumine Umwana wakwe umofye mpo muno chalo ukuti twingakwata ubumi ukupitila muli Ye.

2 Yohane 1:7

Pakuti ababufi abenji balisalangene mpanga yonse, abo abatachetekela ukuti Yesu Klistu ayishileba umuntu wine-wine. Umuntu onse uukokana mfi wabufi, nakambi chipondo chaku Klistu.

Ukufisulula 19:13

Alifwite mwinjila uwayinjishiwe mumulopa. Ishina lyakwe ni, “Ishiwi lyaku Lesa.”

Ukufisulula 21:3

Nalyumfwile amashiwi ayakulu ayalikufuma kumupando wabufumu ayalikusosa ati, “Nomba ichifulo chikalamo Lesa chili pakati kabantu. Lesa akwikala nabo, elo nabo bakuba abantu bakwe. Lesa umwine akwikala pamo nabo, nakambi akuba Lesa wabo.