Yohane 1:1 - Chipangano Chabwangu

¹ Pakutatika, uyo uwitwa Ishiwi eko ali kale. Ali pamo na Lesa nakambi ni Lesa.

Yohane 1:1 ပူးပေါင်းရင်းမြစ်များ

Mateyo 1:23

“Boneni umwanansungu uutayishibapo umwalalume akoyisa kwimita, elo akufyala umwana umwalalume uwo bakwisa kwinika Imanueli,” (ilikoalula ati, “Lesa ali nafwe.”)

Luka 24:53

Inshita shonse bali munanda yaku Lesa balelumbanya Lesa.

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 1:2

Ukufuma bwaka pakutatika, Ishiwi ali pamo na Lesa.

Yohane 16:28

Nafumine kuli Bata, elo nalishile muchalo. Epo nkosha ichalo nokubwelela kuli Bata.”

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Yohane 20:28

Tomasi alimwasukile ati, “Mwe Shikulu wanji, na Lesa wanji!”

Yohane 8:58

Elo Yesu abasukile ati, “Nachine nkomweba ati, ulo Abulahamu atalafyalwa, eko nali kale!”

Loma 9:5

Mba bafuma kufikolwe ifyayishibikwa ifya Bayuda. Elo Uwasubwa uyo alayile wamutundu wabo, ukusosa pafyabuntu bwakwe. Lesa uutungulula ifintu fyonse atondayishiwe lonse.

Efeso 3:9

Alimpele umulimo wakulondolwela abantu bonse umo Lesa akuchitila fyonse ifyo apekenye mubumfisolo bwakwe. Lesa uwabumbile fyonse, asungile ubumfisolo mbu inshita tayilatatika.

Filipi 2:6

Ye ali nobu Lesa, kuntu tayeseshe ukuti ukulingana na Lesa chintu angayikatilila.

Kolose 1:15

Klistu echipasho chaku Lesa uutabonekapo, nakambi ebeli kufyalengwa fyonse.

Kolose 1:17

Ifintu fyonse tafilatatika, Klistu eko aali. Elo muli Ye ifintu fyonse fyalikatana.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Hebele 13:8

Yesu Klistu eye enka, mayilo, lelo nenshiku shonse.

Hebele 7:3

Ifyaku bawishi, banyina nefikolwe fyakwe takupo uwishibile. Ifyakufyalwa nemfwa yakwe tafyayishibikwapo. Ali kubati Mwana waku Lesa nakambi nichipupila uwanshiku shonse.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

1 Yohane 5:7

Kwaba bakamboni batatu:

Ukufisulula 1:11

Ishiwi lyasosele ati, “Ifyo ukobona ulembe mwibuku nokulituma kufilonganino mfi fisano na fibili: Ku Efeso, Simuna, Pegamamu, Tayatila, Sadisi, Filadelufiya, naku Lawodisiya.”

Ukufisulula 1:17

Ulo namubwene naliwile pamakasa akwe kubati muntu ufwile. Nomba abikile ukuboko kwakwe ukwamulyo pali nebo nokuti, “Witina! Nine wakutatika nowakupelako.

Ukufisulula 1:2

Echo Yohane alifisulula fyonse ifintu ifyo abwene. Nga emashiwi akwe aakochitila bukamboni kumashiwi aku Lesa nakuli fyonse ifyo Yesu Klistu asosele.

Ukufisulula 1:8

“Nine uwakutatikilapo nakambi uwakupelako,” efyasosa Bashikulu Lesa Uwafiso fyonse, uulipo, uwalipo nakambi uwakubapo.

Ukufisulula 19:13

Alifwite mwinjila uwayinjishiwe mumulopa. Ishina lyakwe ni, “Ishiwi lyaku Lesa.”

Ukufisulula 2:8

“Uutangilila ichilonganino chaku Simuna umulembele: “Nga mashiwi aafuma kuli uyo uuli ekutatika nokulekelesha, uyo uwafwile nomba ali nobumi.

Ukufisulula 21:6

Elo asosele kuli nebo ati, “Nomba chachitika! Ninebo ukutatika nokupelako, uwakwamba nomupwilo. Uyo onse uumfwa ichilaka, nakumusuminisha ukunwako pakamfuku-mfuku kamenshi ayapela ubumi.

Ukufisulula 22:13

Ninebo ukutatika nakupelako, wakwamba nowakupelako.”

Ukufisulula 3:14

“Uutangilila ichilonganino chaku Lawodisiya umulembele: “Nga mashiwi aafuma kuli Ameni, kamboni uwabuchetekelo nechine. Entulo iyafibumbwa fyonse ifyaku Lesa.