Ukufisulula 7:4 - Chipangano Chabwangu

⁴ Elo naebelwe ukuti impendwa yabantu mbalya abalembelwepo ichishibilo chaku Lesa pampumi shabo bali 144,000. Mba bafumine kumitundu yabena Isilaeli, ikumi na babili.

Ukufisulula 7:4 ပူးပေါင်းရင်းမြစ်များ

Mateyo 19:28

Yesu abebele ati, “Nachine nkomweba ati, mubufumu bwabwangu bukoyisa, ulo Mwana wa Muntu akwikala pamupando wakwe uwabuleme, namwe mwe bankonka mwakwikala pamipando iili ikumi na ibili. Mwakuya kupingula imitundu ikumi na ibili iya Baisilaeli.

Luka 14:22

Ulo umupyungi abwelele, asosele ati, ‘Bashikulu, ifyo mwasosa filichitikilwe, nomba ichifulo eko chili umwakwikala nabambi.’

Luka 22:30

Mwakwisa kunwa nokulya petebulu lyanji mu Bufumu bwanji. Elo mwakwisa kwikala pafipuna ifyabufumu nokupingula pamikowa ikumi na ibili ya Baisilaeli.

Imilimo ya batumwa 26:7

Echilayo chenka icho nemikowa yesu ikumi na ibili, abo abalomba Lesa akasuba nobushiku, ikololela. Mwe bachinshikwa, nipamulandu wachichetekelo nchi epo napelwa umulandu ku Bayuda!

Loma 9:27

Naye Esaya alishininkisha ulo asosele ati, “Nangu Abaisilaeli benji ukwinekantu kubati musenga uwamululamba lwaku bemba, kuntu abakwisa kupuluka banini bwaka.

Yemusi 1:1

Nine Yemusi, umupyungi waku Lesa na Bashikulu Yesu Klistu. Namuposha umutende bonse mwe bantu baku Lesa abapalangana mpanga yonse.

Ukufisulula 14:1

Ulo nalolekeshe, nalibwene Umwana wambelele alimakene pamulu wa Lupili lwa Siyoni. Pamo nakwe pali abantu 144,000 abo abalembelwepo ishina lyakwe nelya Bawishi pampumi shabo.

Ukufisulula 14:3

Abantu bo balikwimba ulwimbo ulwabwangu pantanshi yachipuna chabufumu napamenso yafyabumi fine, nabachilolo. Tapalipo nangu umo uwakulusambilila ndu ulwimbo ukufumyako bwaka abantu mbalya abali 144,000 abo abapulushiwe ukufuma pano chalo.

Ukufisulula 7:5

Abalembelwepo ichishibilo nimba: Abamutundu wakwa Yuda bali amakana ikumi na abili. Abamutundu wakwa Lubeni bali amakana ikumi na abili. Abamutundu wakwa Gadi bali amakana ikumi na abili.

Ukufisulula 9:16

Elo banjebele ukuti impendwa yabashilikali ababomfya bakabalwe yali imitapendwa imyanda ibili.