Ukufisulula 7:3 - Chipangano Chabwangu

³ Umungelo ngu asosele ati, “Mwionaula chalo, bemba nangula ifiti ukufikila ulo nakulemba ifishibilo pampumi shabapyungi baku Lesa wesu.”

Ukufisulula 7:3 ပူးပေါင်းရင်းမြစ်များ

Mateyo 24:22

Nga chakuti Lesa tayipifisheko inshiku nshilya, nga tapapulukilepo umuntu nangu umo iyowo. Nomba pamulandu wabantu bakwe abasalwa, Lesa akwipifyako inshiku nshilya.

Mateyo 24:31

Epo akutuma abangelo bakwe ukulisha ulupenga ulwachiunda ichikulu. Bakulonganya abasalwa bakwe ukufuma konse kutupinda tune twachalo, ukutatikila uko ichalo chapela ukufikila nokumpelo kunakwe.

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Loma 6:22

Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

Ukufisulula 13:16

Elo chalipatikishe abantu bonse, abanono nabakulu, ababuboni nenchushi, abantungwa nabasha ukuti balembwe ichishibilo pakuboko kwabo ukwamulyo nangula pampumi shabo.

Ukufisulula 13:17

Chalichitikile mfi ukwebati kwibapo uwakushita nangula ukushitisha akantu nga takwetepo ichishibilo nchi. Ichishibilo nchi lishina ilyachiswango ichakwamba nchilya ichiminina inambala yeshina lyakwe.

Ukufisulula 14:1

Ulo nalolekeshe, nalibwene Umwana wambelele alimakene pamulu wa Lupili lwa Siyoni. Pamo nakwe pali abantu 144,000 abo abalembelwepo ishina lyakwe nelya Bawishi pampumi shabo.

Ukufisulula 14:9

Elo umungelo uwabutatu, alikonkele abangelo banakwe bo babili kumbi alikubilikisha neshiwi ilikulu ati, “Nga kuli uulomba ichiswango nechipasho chachiko nokupokelela ichishibilo pampumi yakwe nangula pakuboko kwakwe,

Ukufisulula 19:2

Ukupingula kwakwe konse kwalilungama, elo kwachine. Apingula umwanakashi wabulale-lale uwalumbikwa uyo uwabifishe ichalo kubuchenchemeshi bwakwe. Lesa amukanda pamulandu wakwipaya abatumwa baku Lesa.”

Ukufisulula 20:4

Elo nalibwene imipando yabufumu apayikele abo abapelwe ifiso ifyakupingula. Nalibwene nakambi imipashi yabantu abo baputawileko imitwi pamulandu wakupela Yesu bukamboni namashiwi aku Lesa. Mba tabalombelepo ichiswango nechipasho chachiko. Nakambi balikene ukulembwapo ichishibilo pampumi shabo nangula pamaboko abo. Abantu mba bayishileba abomi. Elo balikutungulula pamo na Klistu pamyaka ikana limo. (

Ukufisulula 22:4

Bakubona ichinso chakwe neshina lyakwe lyakuba ilyalembwa pampumi shabo.

Ukufisulula 6:6

Elo naumfwile kubati lishiwi ukufuma kufyabumi fine mfilya ilikoti, “Ichipimo chatiligu ichikumanina umuntu umo pabushiku, umutengo wakwe malipilo yamuntu pabushiku bumo. Elo ifipimo fitatu ifyamale, umutengo umo wenka. Nomba mwikonaulapo amafuta nangula waini.”

Ukufisulula 7:1

Panuma yaku mfi nabwene abangelo balimakene mufifuntu fine ifyapanonshi. Balikete imyela shine ukuti yipupila panshi nangula muli bemba nangula pachiti ichili chonse.

Ukufisulula 7:2

Elo nabwenepo umungelo naumbi uwafumine kumutule-suba, ali nechishibilo chaku Lesa uwabumi. Abilikishe neshiwi ilikulu kubangelo bane mbalya abo apele ifiso fyakonaula ichalo namenshi amuli bemba.

Ukufisulula 9:4

Elo shalikanishiwe ukuonaula isani, ifiti nangula ichimena ichili chonse. Shalisuminishiwe bwaka ukuchusha abantu abatakwetepo ichishibilo chaku Lesa pampumi shabo.